Грамадства55

Пранкер Бохан правёў новы розыгрыш, які беларускія настаўнікі дастойна вытрымалі. У адрозненне ад расійскіх

Вядомы пранкер, былы настаўнік гісторыі Уладзь Бохан, які ўжо некалькі гадоў займаецца тым, што на жывых прыкладах дэманструе, што ў беларускіх і расійскіх школах як іх кіраўніцтва, так і простыя педагогі гатовыя выканаць любы, нават самы абсурдны загад зверху, правёў новы эксперымент. І гэтым разам ягоныя вынікі больш натхняльныя, чым заўсёды. 

Гэтым разам Бохан стварыў такую легенду: у рэгіёне ствараецца фактычна лагер для перавыхавання патэнцыйных «экстрэмістаў», і цяпер трэба вывучыць патэнцыйную колькасць дзяцей, дастойных змяшчэння туды. Прыкідваючыся, як заўсёды, прадстаўніком вышэйшага начальства, ён запатрабаваў у кіраўніцтва школ падаць адпаведную інфармацыю з асабістымі звесткамі нелаяльных вучняў і іх бацькоў.

Адпаведныя запыты былі разасланыя як у беларускія, так і расійскія школы. І адказы на іх таксама былі, але не тыя, на якія разлічваў пранкер. Замест спісаў з прозвішчамі вучняў на электронную скрыню сталі прыходзіць адпіскі, што ва ўстановах няма патэнцыйных «экстрэмістаў».

«Прычым аналагічная сітуацыя была як у РБ, так і ў РФ, толькі нашы, у адрозненне ад расійскіх калегаў, яшчэ замарочыліся і аформілі гэта як дакумент, другія ж проста адказвалі паведамленнем на пошту», — канстатуе Бохан.

Што стала прычынай такога выніку, задаў ён пасля таго пытанне. Уключыўся маральны складнік, ці тут больш працуе бюракратычная боязь за тое, што за наяўнасць у школе патэнцыйных «экстрэмістаў» могуць быць праблемы і ў яе адміністрацыі, якая гэта дапусціла? 

Таму ў паўторных лістах пранкер удакладніў крытэрыі патэнцыйнай небяспечнасці вучняў: нізкая паспяховасць, дрэнная дысцыпліна, захапленне сацыяльнымі сеткамі і непадтрымка дзейнай улады (для Беларусі) і т. зв. «СВА» (для Расіі).

Аднак з беларускімі школамі не спрацавала і гэта: яны ўсё адно прыслалі адпіскі. А вось у Расіі новы падыход часткова спрацаваў: ліцэй з падмаскоўнага Краснагорска назваў аднаго патэнцыйнага «экстрэміста», а гімназія з Камсамольска-на-Амуры прыслала цэлы спіс.

«Дзеля аб'ектыўнасці варта дадаць, што тых, хто падаў адпіскі, было больш, чым тых, хто «здаў». Абсалютная гэта велічыня, ці гэта дынаміка, думаць вам», — завяршыў сваё апісанне новага эксперыменту Уладзь Бохан.

@nashanivanews Галоўны ліцэй Беларусі перайменавалі ў гонар савецкага чэкіста #лицейбгу #беларусь #ссср #нашаніва #белорусы #школьники ♬ Stargazing (Slowed + Reverb) - Marcelo De Carvalho

Каментары5

  • ром
    18.06.2024
    то есть... расийскай апазицыи яшчэ можно на нешта различвать)))
  • мясцовы2
    18.06.2024
    Імаверней гэта выпадковасць, або проста не былі падрыхтаваныя, таму і зрабілі адпіскі, што экстрэмістаў і неблагонедёжных няма. Тобок як звычайна - схлусілі і выкруціліся.
  • Дзяцел
    18.06.2024
    ром, ты артыкул хоць пачытаў?

Хлопец знік у лесе пад Сянном і знайшоўся толькі праз 25 гадоў. Яго сястра расказвае, як так атрымалася

Хлопец знік у лесе пад Сянном і знайшоўся толькі праз 25 гадоў. Яго сястра расказвае, як так атрымалася

Усе навіны →
Усе навіны

Полк Каліноўскага адмаўляе датычнасць Рыка Крыгера да падраздзялення

Расстрэльная справа Рыка Крыгера тычыцца яго ўдзелу ў Палку Каліноўскага — праваабаронцы5

У цэнтры Мінска легла на бок машына міліцыі ВІДЭА9

У Мінску будуць судзіць вядомага канцэртнага фатографа

У Ізраілі пры атацы дрона загінуў рэпатрыянт з Беларусі

Інтэрпал выключыў са свайго «чырвонага спісу» рэжысёра Андрэя Гнёта. Але гэта яшчэ не канец справы1

Польскія спецслужбы расследуюць пагрозу забойства Паўла Латушкі 10

«Дзеці гулялі, а змяя плавала ў лужыне». У раёне Барысава нашэсце гадзюк — камунальнікі не рэагуюць5

Перасаджвацца ў іншы аўтобус у чарзе на мяжы больш нельга? Здаецца, так3

больш чытаных навін
больш лайканых навін

Хлопец знік у лесе пад Сянном і знайшоўся толькі праз 25 гадоў. Яго сястра расказвае, як так атрымалася

Хлопец знік у лесе пад Сянном і знайшоўся толькі праз 25 гадоў. Яго сястра расказвае, як так атрымалася

Галоўнае
Усе навіны →