Грамадства

Беларусы і палякі аднавілі знішчаны ў расійскай вёсцы помнік ахвярам сталінскага тэрору

Ён быў разбураны некалькі гадоў таму невядомымі. Як мяркуюць - праўладнымі актывістамі.

Фота: ВК-суполка «Общество Мемориал»

Помнік ахвярам сталінскага тэрору, расстраляным у 1937-1938 гадах, у расійскім сяле Беласток у Томскай вобласці, дзе жывуць выхадцы з Беларусі і Польшчы, жыхары аднавілі за свой кошт. 

«Вырабілі новыя таблічкі з імёнамі 100 чалавек: 93 жыхары вёскі і 7 ксяндзоў, якія ў розныя гады служылі ў сельскім храме. Усе яны былі расстраляныя ў 1937-1938 гады падчас так званай «польскай аперацыі» НКУС», — паведаміла «Таварыства Мемарыял».

Фота: ВК-суполка «Общество Мемориал»
Фота: ВК-суполка «Общество Мемориал»

Удакладняецца таксама, што таблічкі ўстанавілі пасля ўрачыстай імшы ў сельскім храме ў прысутнасці мясцовых жыхароў, паломнікаў каталіцкай абшчыны Томска і іх святароў.

Мемарыял ахвярам тэрору быў устаноўлены ў 2003 годзе па ініцыятыве жыхара вёскі Васіля Ханевіча. Манумент складаўся з металічных таблічак з імёнамі расстраляных НКУС людзей, а таксама 4-метровага каталіцкага крыжа, бо нашчадкі беларусаў і палякаў па-ранейшаму вызнаюць каталіцкую веру.

Фота: ВК-суполка «Общество Мемориал»

11 лістапада 2022 года, у Дзень незалежнасці Польшчы, невядомыя спілавалі металічны крыж і збілі таблічкі. Па факце вандалізму па заяве жыхароў вёскі была ўзбуджаная крымінальная справа, аднак вінаватых расійская паліцыя не знайшла. Многія незалежныя расійскія СМІ сцвярджалі, што мемарыял быў знішчаны праўладнымі актывістамі.

Жыхары Беластока летась сваімі сіламі аднавілі крыж, а цяпер вярнулі на ранейшае месца таблічкі.

Каментары

Стрыжак пра Пратасевіча: Са мной такога адбыцца не магло6

Стрыжак пра Пратасевіча: Са мной такога адбыцца не магло

Усе навіны →
Усе навіны

Забойца польскага салдата на мяжы ўстаноўлены. Ён усё яшчэ ў Беларусі2

Што вядома пра суддзю і пракурорку, якія вынеслі смяротны прысуд грамадзяніну Германіі2

Хлопец знік у лесе пад Сянном і знайшоўся толькі праз 25 гадоў. Яго сястра расказвае, як так атрымалася5

У Мінску распачаўся «форум патрыётаў», прысвечаны 30-годдзю кіравання Лукашэнкі15

У цэнтры Кіева знеслі сядзібу Зяленскіх4

У расійскім Краснадары людзі перакрылі вуліцу з-за адключэнняў святла1

Жанчыну-мэра на Філіпінах абвінавачваюць у шпіянажы на Кітай. Высветлілася, што яна не тая, за каго сябе выдавала1

Скарлет Ёхансан назвала кіраўніка OpenAI Альтмана выдатным прататыпам для злыдня Marvel

Помнік на магіле Прыгожына ў Пецярбургу аблілі белай фарбай. А ў руку ўставілі фалаімітатар ФОТАФАКТ4

больш чытаных навін
больш лайканых навін

Стрыжак пра Пратасевіча: Са мной такога адбыцца не магло6

Стрыжак пра Пратасевіча: Са мной такога адбыцца не магло

Галоўнае
Усе навіны →