Свет

Кейт Мідлтан абвясціла, што ёй стала лепш і яна зможа прысутнічаць на парадзе ў гонар караля

Яна працягвае змагацца з анкалогіяй.

Кенсінгтонскі палац апублікаваў здымак, зроблены ў Віндзары на гэтым тыдні. Фота: Matt Porteous

Прынцэса Уэльская (народжаная Кейт Мідлтан), якая працягвае хіміятэрапію ў сувязі з анкалагічным захворваннем, паведаміла, што «ідзе на папраўку», і паабяцала ў гэтую суботу з'явіцца на публіцы падчас урачыстай цырымоніі вынасу сцяга.

Гэта стане першым афіцыйным мерапрыемствам з удзелам герцагіні Кембрыджскай з моманту пастаноўкі дыягназу і праведзенай у студзені аперацыі на брушной паражніне.

Кейт дадала, што рэкамендаванае ёй лячэнне не скончана і працягнецца яшчэ некалькі месяцаў.

«Наперадзе яшчэ доўгі шлях», — нагадала яна.

З таго часу, як у сакавіку прынцэса Уэльская агучыла свой дыягназ, апублікаваўшы вельмі асабістае паведамленне ў сацсетках, ніякіх новых падрабязнасцяў пра стан яе здароўя з палаца не паступала.

Да новага паведамлення прынцэсы прыкладзеная свежая фатаграфія, зробленая Мэтам Партэўсам каля яе дома ў Віндзоры.

Зрэшты, сама прынцэса нагадвае, што любыя добрыя навіны пра яе хваробы варта ўспрымаць з асцярогай.

«Любы, хто калі-небудзь праходзіў хіміятэрапію, ведае, што дзень на дзень не прыходзіцца», — патлумачыла яна.

«Адзін дзень вы адчуваеце слабасць, стомленасць, і целу даводзіцца даваць адпачываць. Але на другі дзень вы адчуваеце сябе мацней, і хочаце выкарыстоўваць сваё добрае самаадчуванне па максімуму», — працягнула Кейт.

«Я вучуся цярпенню, асабліва ва ўмовах нявызначанасці. Прымаю кожны дзень такім, які ён ёсць; прыслухоўваюся да свайго цела і дазваляю сабе выдаткаваць гэтак неабходны час на вылячэнне», — дадала яна.

У Кенгсінгтонскім палацы, афіцыйнай рэзідэнцыі прынца і прынцэсы Уэльскіх, падкрэслілі, што аб поўным вяртанні герцагіні Кембрыджскай да цырыманіяльных абавязкаў гаворка пакуль не ідзе і нават яе план з'яўлення на парадзе з нагоды вынасу каралеўскага сцяга можа змяніцца ў апошні момант.

У суботу Кейт будзе разам з іншымі членамі каралеўскай сям'і прымаць парад, стоячы з дзецьмі на балконе Букінгемскага палаца.

Праводзіцца цырымонія з нагоды афіцыйнага дня нараджэння манарха (часцяком, і ў дадзеным выпадку, не супадае з сапраўдным), і прадстаўнік палаца ўжо заявіў, што кароль Карл III узрадаваны, што яго нявестка таксама зможа прысутнічаць.

Кейт таксама выказала падзяку за тыя словы падтрымкі, што яна атрымлівала падчас хваробы, прызнаўшыся, што была ўзрушаная іх колькасцю і душэўным цяплом.

«Для нас з Уільямам гэта па-сапраўднаму змяніла свет, і вельмі дапамагло нам абаім перажыць цяжкія часы», — прызналася яна.

Каментары

Круты: Бог паслаў ураган, каб прэзідэнт парадаваўся, што створаная ім сістэма выстаяла22

Круты: Бог паслаў ураган, каб прэзідэнт парадаваўся, што створаная ім сістэма выстаяла

Усе навіны →
Усе навіны

У цэнтры Кіева знеслі сядзібу Зяленскіх4

У расійскім Краснадары людзі перакрылі вуліцу з-за адключэнняў святла1

Жанчыну-мэра на Філіпінах абвінавачваюць у шпіянажы на Кітай. Высветлілася, што яна не тая, за каго сябе выдавала1

Скарлет Ёхансан назвала кіраўніка OpenAI Альтмана выдатным прататыпам для злыдня Marvel

Помнік на магіле Прыгожына ў Пецярбургу аблілі белай фарбай. А ў руку ўставілі фалаімітатар ФОТАФАКТ4

«Па кодавым слове «Барысаўна» выкінула ў акно €760 тысяч». 16-гадовы кур'ер забраў у дваіх пенсіянераў 2,7 млн рублёў14

Што адбудзецца, калі Байдэн выйдзе з прэзідэнцкай гонкі?1

Украінскі фронт на Данбасе пасыпаўся ў некалькіх месцах — аналітык Bild10

Беларускі айцішнік пераехаў у Аўстралію і трапіў пад скарачэнні. І задаўся адвечным пытаннем «Што рабіць»?15

больш чытаных навін
больш лайканых навін

Круты: Бог паслаў ураган, каб прэзідэнт парадаваўся, што створаная ім сістэма выстаяла22

Круты: Бог паслаў ураган, каб прэзідэнт парадаваўся, што створаная ім сістэма выстаяла

Галоўнае
Усе навіны →