Грамадства22

«Пакуль усё ціха». Жонка Дзмітрыя Смактуновіча расказала, што цяпер з яе мужам

«Люстэрка» даведалася ў жонкі Дзмітрыя Смактуновіча, якога нядаўна дэпартавалі з Польшчы і з-за нежадання якога ехаць у Беларусь 12 чэрвеня быў заблакаваны памежны пункт пропуску ў Тарэспалі, што цяпер з яе мужам, які ўрэшце перайшоў у Беларусь і там нават даў каментар дзяржСМІ.

Дзмітрый Смактуновіч на памежным мосце праз Буг. Фота з яго асабістага архіва

Па словах Наталлі Смактуновіч, вярнуўшыся ў Беларусь, Дзмітрый без здарэнняў даехаў дахаты. Пасля выхаду з пункта пропуску яго не дапытвалі і не затрымлівалі.

Жонка з мужам увесь час на сувязі, у тым ліку па відэа, і кажа, што пакуль усё ціха: «Быў момант, што ўчора пад вокнамі доўга стаяў бусік, але потым нічога не было».

У той жа час, маўляў, супрацоўнікі дзяржСМІ спрабуюць атакаваць яго маці, каб выйсці на яго і атрымаць нейкія каментары: «Мабыць, хочуць цяпер ачарніць польскі бок, паказаць, што яго ніхто не затрымаў, што ён прыехаў і спакойна жыве».

Наталля запэўнівае, што ДНЖ у яе мужа скончыўся не два гады таму, хай сабе ён і сам тое казаў прапагандыстам:

«Дазвол на жыхарства ў яго быў да 2024 года. Гэтая дата стаяла на самай картцы. А анулявалі яго, аказваецца, год таму, у траўні 2023-га», — гаворыць жанчына.

Паводле яе слоў, Смактуновіч ужо напісаў прашэнне ў амбасаду Польшчы ў Беларусі, каб разгледзелі ягоную сітуацыю і разабраліся, хто вінаваты. Гэтую заяву ў яго нібыта прынялі. Пры гэтым Наталля настойвае, што сам працэс дэпартацыі быў здзейснены з парушэннямі: мужу не далі разабрацца ў тым, што ён падпісвае.

За сябе жанчына надта не перажывае: яна мае свой бізнэс (агенцтва нянь), таму праблем з дакументамі і фінансамі ў яе быць нібыта не павінна. Адно што толькі, застаўшыся адной з трыма дзецьмі, працаваць давядзецца больш.

Каментары2

  • ))
    14.06.2024
    Пачакаем калі пашпарт абарвала атрымае і звернецца Цэнтар занятасці насельніцтва - там і цялега прыляціць... Асабліва цікава калі звернецца да гэтых прыпыліных на беларускай мове ды яшчэ з польскім акцэнтам))) праходзілі-ведаем. Будзе сядзець пад плінтусам альбо на нарах.
  • не верю
    14.06.2024
    Странно что не попросили прокомментировать эту мадам всё её предыдущее враньё о протестных комментах в 2020, предупреждениях о том что этим хануриком силовики интересуются. 

Работніцы суда пагражае да 12 гадоў за «заклікі да санкцый і абразу Лукашэнкі»3

Работніцы суда пагражае да 12 гадоў за «заклікі да санкцый і абразу Лукашэнкі»

Усе навіны →
Усе навіны

Гэты карлікавы кот з сарамлівым выглядам стаў новай зоркай сацсетак5

У гатэлі Бангкока знойдзены мёртвымі шэсць грамадзян В'етнама1

Названы свежы медыянны заробак. І ён намнога меншы за сярэдні

Высветлілася, што пад Масквой патануў кіраўнік дэлегацыі вайскоўцаў КНДР

Рабочаму з Баранавічаў далі год за лайкі пад карыкатурамі на Лукашэнку. Цяпер пагражае яшчэ да 12 гадоў3

Замах на Дональда Трампа планаваў Іран — CNN12

Мінэнерга паведаміла пра аднаўленне электразабеспячэння Мазыра1

Мазырская вертыкальшчыца далажыла пра аднаўленне водазабеспячэння. У каментарах ёй пярэчаць

Ад сёння Літва мае намер увесці абмежаванні на ўезд аўто з беларускімі нумарамі31

больш чытаных навін
больш лайканых навін

Работніцы суда пагражае да 12 гадоў за «заклікі да санкцый і абразу Лукашэнкі»3

Работніцы суда пагражае да 12 гадоў за «заклікі да санкцый і абразу Лукашэнкі»

Галоўнае
Усе навіны →