Грамадства1111

Дырэктара «Камунаркі» арыштавалі, але вызвалілі. Выглядае, што яго ўратаваў статус дэлегата УНС

Па інфармацыі «Нашай Нівы», Сяргей Анюхоўскі некалькі дзён правёў у СІЗА, але ў выніку хутка выйшаў на свабоду. Яму дапамаглі даволі камічныя абставіны.

Дырэктар «Камунаркі» Сяргей Анюхоўскі. Фота: bobrlife.by

44-гадовы Сяргей Анюхоўскі працуе дырэктарам мінскай «Камунаркі» з 2021 года. Выхадзец з Дубровенскга раёна, ён рабіў кар'еру ў Віцебскай вобласці, а пасля дырэктараваў на «Чырвоным харчавіку» ў Бабруйску. У 2019—2024 быў членам Савета Рэспублікі. Дарэчы, бацька Анюхоўскага раней таксама быў сенатарам.

«Камунарка» ў выніку санкцый апынулася ў складаным становішчы — у краіну цяжэй едуць асноўныя какававыя інгрэдыенты, неабходныя для вырабу кандытаркі, ёсць цяжкасці і з правядзеннем плацяжоў.

«Праз санкцыі і іншыя з'явы, звязаныя з глабальным сусветным крызісам, многія буйныя замежныя гульцы ў сегменце кандытарскай вытворчасці згарнулі свае пастаўкі ў Беларусь», — жаліўся сам Анюхоўскі. Наконт крызісу — няпраўда, ніякага «сусветнага крызісу» няма ў прыродзе, але не пра тое гаворка. 

Як стала вядома «Нашай Ніве», праз нюансы ў аплаце імпартных тавараў у фінансавых органаў Лукашэнкі ўзніклі пытанні да дырэктара, і яго затрымалі. Як расказаў «Нашай Ніве» работнік «Камунаркі», здарылася гэта ў красавіку 2024 года.

Па словах нашай крыніцы, Анюхоўскага змяшчалі ў следчы ізалятар, але напярэдадні Усебеларускага народнага сходу, дэлегатам якога ён быў прызначаны, вызвалілі. 

На «Камунарцы» ўпэўненыя, што Анюхоўскага ўратаваў статус дэлегата УНС. Менавіта гэты аргумент пусцілі ў ход просьбіты-паручальнікі, і кіраўніцтва Следчага камітэта пайшло ім насустрач. Трымаць дэлегата за кратамі падчас сходу не рашыліся. 

Факт, што Анюхоўскі дагэтуль значыцца кіраўніком гіганта вытворчасці ласункаў.

Каментары11

  • Швед
    14.06.2024
    Голубок пока отлетел от клетки.
  • даведка
    14.06.2024
    В Совете Республики ещё никогда не задерживали столько коррупционеров, сколько за один созыв при Кочановой.
  • Мясникович
    14.06.2024
    даведка, эта тетя как стала замом премьера в Совмине стала убирать всех, кто смеялся с нее как со специалиста. Продолжила потом в Администрации и сейчас продолжает. Это злобная профанка. Пустая голова всегда притягивает криминал.

Чаму ў Мазыры амаль двое сутак не маглі аднавіць электразабеспячэнне? І пры чым тут вайна3

Чаму ў Мазыры амаль двое сутак не маглі аднавіць электразабеспячэнне? І пры чым тут вайна

Усе навіны →
Усе навіны

Латушка: Я магу баяцца піць ваду ці каву ў грамадскіх месцах13

Каля мяжы Польшчы з Беларуссю агрэсіўная моладзь атакавала польскіх вайскоўцаў ВІДЭА27

18-гадовага хлопца з Быхава судзяць за «здраду дзяржаве»9

У Беларусі не будуць рэагаваць на ўвядзенне Латвіяй забароны ўезду для беларускіх аўтамабіляў3

У Гродне збіраюцца правесці «своеасаблівы вальс» БТР-аў1

Лябедзька: Беларуская мова павінна стаць адзінай дзяржаўнай. Але трэба закласці пераходны перыяд19

Дзякуючы ўрагану ў Гомелі зрабілі навуковае адкрыццё3

Карбалевіч: Мінск загаварыў па-іншаму, але гэта пакуль толькі словы, дзеянняў мінімум1

Што азначаюць сігналы Лукашэнкі Польшчы і Украіне?16

больш чытаных навін
больш лайканых навін

Чаму ў Мазыры амаль двое сутак не маглі аднавіць электразабеспячэнне? І пры чым тут вайна3

Чаму ў Мазыры амаль двое сутак не маглі аднавіць электразабеспячэнне? І пры чым тут вайна

Галоўнае
Усе навіны →