Грамадства2020

«Лукашэнка скардзіўся мне на Мядзведзева» — Латушка

З якой нагоды?

Павел Латушка Павел Латушко Pavel Latushko

Павел Латушка. Скрын відэа: radio-svaboda / YouTube

У праграме «Сведкі Лукашэнкі» на «Радыё Свабода» Павел Латушка расказаў, навошта Лукашэнку патрэбны быў такі беларускамоўны чыноўнік, як ён.

Па словах Латушкі, Лукашэнка ў асабістай з ім размове прызнаўся:

«Я вас падтрымліваю (ён усё ж такі казаў мне «вы») у тым, што вы размаўляеце на беларускай мове. Калі б я мог, я б таксама пачаў размаўляць на беларускай мове. Але якую цану мне прапануе за газ і нафту Мядзведзеў (які тады быў прэзідэнтам у Расіі. — НН)».

Палітык заўважае, што пад час гэтай размовы ў яго ўзнікла адчуванне: «Можна прадаць сваё, роднае, нацыянальнае за нафту і газ». Магчыма, працягвае Латушка, з пункту гледжання тактыкі, нехта палічыць такую пазіцыю правільнай — захаваць дзяржаўнасць. «Але з пункту гледжання стратэгіі гэта азначае ў перспектыве згубіць усё. Згубіць дзяржаву, калі ты не разумееш, што з'яўляецца падмуркам для кожнай дзяржавы. Гэта народ, які разумее, што такое нацыянальная культура, мова».

Латушка лічыць, што ў нейкім сэнсе Лукашэнку было выгадна мець беларускамоўнага міністра: «Я думаю, ён прадаваў гэты месэдж. «Глядзіце, у мяне ж малады міністр. Ён увогуле беларускі».

Акрамя гэтага, як згадвае Латушка, яго лічылі праеўрапейскім. «Памятаю Мясніковіч (прэм'ер-міністр Беларусі ў 2010-2014 гадах. — НН) на пасяджэнні ўраду кажа мне:

«Ну ў нас тут ёсць адзін праеўрапейскі міністр». Вось такую мянушку мне давалі — «праеўрапейскі». Быў я такім ці не, але гэта так спрабавалі прадаваць».

***

Павел Латушка — кіраўнік Народнага антыкрызіснага ўпраўлення, намеснік кіраўніцы Аб'яднанага пераходнага кабінета. У мінулым прэс-сакратар МЗС (2000-2002), пасол Беларусі ў Польшчы (2002-2008) і Францыі (2012-2019), міністр культуры Беларусі (2009-2012).

Каментары20

  • Мх
    13.06.2024
    А калі расеец будзе гаварыць па кітайску, значыць стане кітайцам?
  • былы функцыянер
    13.06.2024
    Няхай былы функцыянер рэжыму раскажа, як файна ён умее размаўляць маскоўскім матам і як ён тое добра рабіў міністрам культуры на будаўнічых планёрках.
  • Захар
    13.06.2024
    Цену набивает себе этот европейский, типа, экс-министр.

Падчас выступлення Трампа ў Пенсільваніі пачалася страляніна

Падчас выступлення Трампа ў Пенсільваніі пачалася страляніна

Усе навіны →
Усе навіны

У Салігорскім раёне знайшлі вусеня вельмі рэдкага матылька. Чаму мы так рэдка яго бачым?3

Што адбываецца на мяжы з Польшчай перад выходнымі

«Замоў вельмі шмат». Польскі рэстаран арганізаваў дастаўку піцы проста ў чаргу на мяжы з Беларуссю1

Полк Каліноўскага абверг паведамленне Мінабароны Беларусі аб гібелі Яна Рудзіка3

У Іспаніі даказалі гіпотэзу 54-гадовай даўніны вядомага матэматыка родам з Кобрына

Пад Варшавай трагічна загінуў 31-гадовы беларускі раварыст Аляксандр Пуставітаў4

Чаму ў гарачыя дні часта баліць галава і як ад таго ўберагчыся

У мястэчку Гарадок на Беласточчыне сёння пачаўся фестываль Tutaka

Міліцыя страляла ў двары мінскага шматпавярховіка. Што здарылася?

больш чытаных навін
больш лайканых навін

Падчас выступлення Трампа ў Пенсільваніі пачалася страляніна

Падчас выступлення Трампа ў Пенсільваніі пачалася страляніна

Галоўнае
Усе навіны →