Грамадства

Сем выпускнікоў Мазырскага абласнога ліцэя атрымалі 100 балаў на ЦЭ па матэматыцы

Сакрэты поспеху ад настаўніцы Вольгі Голік.

Фота: Настаўніцкая газета

Максімальны вынік на цэнтралізаваным экзамене па матэматыцы — 100 балаў — у сямі выпускнікоў Мазырскага дзяржаўнага абласнога ліцэя. Сярэдні бал ЦЭ па гэтым прадмеце сярод 44 выпускнікоў — 90. Настаўнік Вольга Голік падзялілася з «Настаўніцкай газетай» сакрэтам заваявання матэматычных вяршыняў.

«Уся справа ў спалучэнні рэгулярнай практыкі, разумення матэрыялу і выкарыстання сучасных інструментаў. … Галоўнае — не зубрыць, а разбірацца, тады кожная формула стане саюзнікам, а не ворагам. Вучу дзяцей не баяцца задаваць пытанні, працаваць у камандзе і дзяліцца ведамі. Галоўнае — верыць у сябе, ставіць мэты і крок за крокам ісці да іх дасягнення. Кожная памылка — гэта ўрок, а кожны поспех — заслужаная ўзнагарода».

Вольга Голік кажа, што яны рашалі задачы ў такім тэмпе, што спартоўцы, якія рыхтуюцца да Алімпіяды, ім бы пазайздросцілі.

Вольга Голік, Настаўніцкая газета

«Толькі замест стадыёна ў нас быў клас, а замест спартыўнай формы — сшыткі і асадкі. Дадатковыя заняткі і кансультацыі дапамаглі замацаваць вынік. Былі моманты, калі наш кабінет ператвараўся ў сапраўдны матэматычны штаб», — кажа настаўніца,

«Доктар, у мяне сінусы не сыходзяцца!»— «Не бяда, цяпер падлечым!» — успомніўся жарт, які разраджаў абстаноўку і дадаваў добрага настрою», — дадае яна, зазначаючы, што яны ўсе разам сталі адной вялікай матэматычнай сям'ёй, а ў падрыхтоўцы выкарыстоўвалі сучасныя метады навучання: ад інтэрактыўных дошак да анлайн-рэсурсаў, і матэматыка стала для дзяцей па-сапраўднаму захапляльнай і цікавай.

Больш за тое, у цэлым сёлета па выніках двух цэнтралізаваных экзаменаў у выпускнікоў ліцэя — 22 стобальныя вынікі.

Вольга Голік кажа, што шчыра падтрымлівала сваіх дзяцей і верыла ў поспех.

«Кожны дзень казала дзецям: «Вы зможаце! Вы геніі!» І яны сапраўды змаглі! Геніі? Вядома! Іх неверагодна цудоўныя вынікі — наша агульнае дасягненне», — канстатуе выкладчыца.

Каментары

Дар‘я Лосік выйшла на свабоду па памілаванні16

Дар‘я Лосік выйшла на свабоду па памілаванні

Усе навіны →
Усе навіны

«Востраў чысціні» канчаткова ліквідуецца1

Былую жонку спевака Руслана Мусвідаса таксама судзілі за пратэсты

Палітвязень Дзяніс Івашын прыслаў бацькам парады, як перажыць спёку: Ніякіх выхадаў у цяпліцу

50 дзецям адмовілі. У беларускамоўнай гімназіі Вільні замала месцаў, бацькі просяць набіраць больш класаў11

Ілан Маск заявіў, што згубіў сына з-за блакатараў палавога выспявання24

У Францішка Скарыны ў Празе скралі пяро — гэта здарылася не ўпершыню3

Замежнікі пішуць у сацсетках, што збіраюцца ў Беларусь па бязвізе. А іх упрошваюць перадумаць11

Паўла Латушку выклікалі ў польскую пракуратуру2

Расійскі вайсковец, якога нібыта сёння ўзарвалі ў Маскве: Я жывы, сяджу на працы

больш чытаных навін
больш лайканых навін

Дар‘я Лосік выйшла на свабоду па памілаванні16

Дар‘я Лосік выйшла на свабоду па памілаванні

Галоўнае
Усе навіны →