Інстытут гісторыі праводзіць падводныя археалагічныя даследаванні на Бярэзіне. Шукаюць скарб Напалеона
Дапамагаюць археолагам дайверы.
Фота: Інстытут гісторыі
Спецыялісты Інстытута гісторыі НАН праводзяць падводныя археалагічныя даследаванні ў рацэ Бярэзіне.
Дапамагаюць гісторыкам дайверы з цэнтра «Марскі пегас». Даследаванні праводзяць у месцы пераправы арміі Напалеона ў лістападзе 1812 года каля вёскі Студзёнка ў Барысаўскім раёне.
Экспедыцыя будзе працаваць да 17 чэрвеня. У Інстытуце гісторыі паведамляюць, што ўжо ёсць першыя знаходкі. Аднак падрабязнасці будуць пазней.
Бітва на Бярэзіне адбылася ў канцы лістапада 1812 года ў ходзе адступлення французскай арміі. Яна завяршылася практычна поўным разгромам французаў. Напалеон страціў забітымі і параненымі да 50 тысяч салдат.
Сам імператар, пры гэтым, здолеў вырвацца з акружэння і пазбегнуць палону.
Хто тая прафсаюзная актывістка з МАЗа, якая папрасіла Лукашэнку разабрацца ў ютубе з «беглымі»?17
Каментары