Усяго патроху

У Сінгапуры пасля 35 гадоў забароны дазволяць трымаць катоў у кватэрах

Новыя правілы, якія дазволяць сінгапурцам трымаць пухнатых гадаванцаў у кватэрах, уступяць у сілу з верасня гэтага года. Пакуль жа за ката ў кватэры сінгапурцам усё яшчэ пагражае штраф, піша The Guardian.

Фота ілюстрацыйнае

Новыя правілы будуць тычыцца ўладальнікаў кватэр у шматкватэрных дамах, якія знаходзяцца пад кіраваннем рады па жыллёвым будаўніцтве і развіцці. Такім жыллём валодаюць больш за 80% насельніцтва азіяцкага горада-дзяржавы.

Зрэшты, многія ўладальнікі такіх кватэр доўгі час ігнаравалі забарону і ўсё такі трымалі гадаванцаў. Але рызыкавалі нарвацца на штраф да 4 тыс. сінгапурскіх даляраў (каля 3 тыс. даляраў ЗША), калі на іх скардзіліся суседзі па доме.

Рада ўвяла забарону ў 1989 годзе. Тлумачылі яе тым, што каты, маўляў, часта збягаюць з кватэр, ліняюць, спаражняюцца і мочацца ў грамадскіх месцах, а таксама выдаюць непрыемныя гукі, што можа ствараць нязручнасці іншым жыхарам.

Аднак жа цяпер, пачынаючы з верасня 2024 года, уладальнікам кватэр у шматкватэрных дамах дазволяць трымаць двух катой, а таксама аднаго сабаку адной з ухваленых уладамі парод. Для гэтага жывёлаводам спатрэбіцца прайсці бясплатны навучальны курс па ўтрыманні хатніх жывёл, чыпаваць гадаванца і зарэгістраваць яго ва ўстаноўленым парадку.

Акрамя таго, гаспадароў таксама абавяжуць прыняць «разумныя меры» бяспекі, напрыклад, паставіць сеткі або краты, каб каты не цягаліся абы-дзе і не падалі з вокнаў ды вентыляцыйных адтулін шматпавярховікаў.

Змены маглі быць выкліканыя дзяржаўным апытаннем, 90% рэспандэнтаў якога выказаліся за дазвол трымаць катоў у кватэрах. Акрамя таго, у горадзе вырасла колькасць уладальнікаў гадаванцаў — да 2023 года іх было каля 94 тыс., амаль на 10% больш у параўнанні з 2019 годам, калі апошні раз праводзіліся такія даследаванні.

Каментары

Банкі зніжаюць прыбытковасць па валютных дэпазітах да 0,1%. Тлумачым матэматыку

Банкі зніжаюць прыбытковасць па валютных дэпазітах да 0,1%. Тлумачым матэматыку

Усе навіны →
Усе навіны

Арына Сабаленка: Плячо зажыло. На гэтым тыдні я пачынаю гуляць1

Камароўскі рынак ператварыўся ў сапраўднае мора ВІДЭА6

Сілавікі ў Брэсце затрымалі дырэктара кампаніі за ўдзел у пратэстах у жніўні 2020 года

У Мінску з-за патопу закрылі станцыю метро «Парк Чалюскінцаў» ВІДЭА

«У Беларусі маю музыку рэкламавала КДБ, а ў Польшчы — паліцыя». Банцар пракаментаваў сваё затрыманне ў Варшаве9

Літва развярнула на мяжы больш за 20 машын з Беларусі — у тым ліку з грамадзянкай Літвы за рулём5

Мінск сёння пайшоў пад ваду ФОТЫ13

Амерыканец у 14 гадоў стаў самым маладым футбалістам у гісторыі Амерыканскай футбольнай лігі

«Рыхтуюцца да вайны, а генератары не ў стане купіць». Што расказваюць пра сітуацыю ў Мазыры мясцовыя жыхары3

больш чытаных навін
больш лайканых навін

Банкі зніжаюць прыбытковасць па валютных дэпазітах да 0,1%. Тлумачым матэматыку

Банкі зніжаюць прыбытковасць па валютных дэпазітах да 0,1%. Тлумачым матэматыку

Галоўнае
Усе навіны →