Грамадства22

«Могуць старанна прашманаць, а могуць адным вокам глянуць». Як цяпер адбываецца кантроль на мяжы з Літвой

Пачынаючы ад 3 чэрвеня Літва ўвяла забарону на ўвоз любых прадуктаў і напояў з Беларусі, але пазней нібыта зрабілі паслабленні. «Наша Ніва» пацікавілася, што цяпер адбываецца з правозам беларускай прадукцыі ў Літву.

Ілюстрацыйны здымак. Фота: «Наша Ніва»

Калі першыя суткі праз мяжу нельга было правозіць літаральна нічога, то цяпер людзям дазваляюць правозіць цыгарэты ў адкрытых пачках, а таксама патрэбныя ў дарозе прадукты вагой да 2 кг, якія мусяць быць распакаваныя.

Як пашанцуе

Падарожнікі, якія сёння перасякалі беларуска-літоўскую мяжу праз «Каменны Лог», кажуць, што мытнікі старанна аглядалі ўсе рэчы. Нельга правозіць нават адзін адкрыты пачак.

«Дазваляюць пакінуць толькі 1-2 цыгарэты, астатняе трэба выкідаць. Вадкасці для вэйпаў таксама не прапускаюць. Усе рэчы ў нас даглядалі старанна, вывернулі ўсё. Да ежы ставіліся выбарачна і па настроі», — піша адзін з карыстальнікаў спецыяльнага чата.

Іншыя распавядаюць, што мытнікі просяць адкрыць чамаданы, потым глядзяць і прамацваюць рэчы.

«Але як пашанцуе. Могуць старанна прашманаць, а могуць толькі адным вокам глянуць ці не адчыняць сумку наогул», — пішуць іншыя.

Людзі, якія часцяком ездзяць праз мяжу, адзначаюць, што пасля 3 чэрвеня час праходжання мяжы павялічыўся.

Ілюстрацыйны здымак. Фота: «Наша Ніва»

«Беларусаў хутка праходзяць, а далей чарга на нейтралцы, таму што літоўцы кожны аўтобус даглядаюць паўтары гадзіны з-за больш дбайнай праверкі».

Аўтобус, які а 6-й раніцы выехаў з Мінска, у Вільні быў а 15-й гадзіне.

Пасажыры адзначылі, што мытнікі правяралі багаж без асаблівага інтарэсу.

«Папрасілі адкрыць валізкі, сумкі, паглядзелі павярхоўна, крыху памацалі і ўсе».

Пры гэтым беларусы адзначаюць, што ў многіх людзей з сабой з харчавання не было нічога, апроч вады — паколькі ўсё з'елі, пакуль стаялі ў чарзе. Цыгарэты ў адкрытым пачку дазволілі правезці, алкаголь пад поўнай забаронай.

Людзі, якія ехалі аўтобусам 9 чэрвеня, кажуць наступнае:

«У нашым аўтобусе палову валізак паглядзелі, а потым сышлі. Мы былі ў самым канцы, ніхто нас не даглядаў».

«Толькі ў майткі засталося залезці»

«Абшманала мытніца ўсе рэчы, толькі ў майткі засталося залезці. Алкаголь, цыгарэты нельга весці, прадуктаў у мяне не было», — дзеліцца ўражаннямі кіроўца, які днём 11 чэрвеня праехаў мяжу на машыне.

«Прапускаюць толькі з ежай для асабістага карыстання, калі ўпакоўка адкрытая. Алкаголь пад поўнай забаронай, нават замежнай вытворчасці з Duty Free», — дзеліцца досведам пасажырка аўтобуса, які ехаў праз «Беняконі».

Незразумелай застаецца сітуацыя з транзітам. Карыстальнікі чата кажуць, што літоўскія мытнікі нібыта патрабуюць дэклараваць усе закрытыя прадукты харчавання і напоі, калі чалавек едзе транзітам.

Праз гэта ахвотных нешта везці няшмат.

Што тычыцца транзітных пасажыраў, то стаўленне да іх розніцца ў залежнасці ад змены і настрою канкрэтнага мытніка.

«Могуць прапусціць з прадуктамі і напоямі без асаблівых пытанняў, а могуць прычапіцца. Калі, напрыклад, цукерак будзе шмат, то хутчэй за ўсё прымусяць выкінуць», — пішуць у чатах.

Каментары2

  • Страдать должны все
    12.06.2024
    Все правильно делают братья-летувисы
  • Claus
    13.06.2024
    всё правильно делают -  если отобрать у беларусов на границе  сигареты, жратву  и выпивку, то война закончится , поскольку Пу и Лу будут безмерно страдать от таких неудобств беларусов на границе . Я бы на месте литовцев бы еще и нижнее белье отбирал - борьба с войной должна в конце концов стать по настоящему эффективной !

Стала вядома пра арышт гісторыка Ігара Мельнікава3

Стала вядома пра арышт гісторыка Ігара Мельнікава

Усе навіны →
Усе навіны

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

Пуцін зрабіў Z-спевака Шамана заслужаным артыстам Расіі5

Еўрасаюз пачынае перамовы пра бязвізавы рэжым з Арменіяй3

Бязвізам у Беларусь першым скарыстаўся грамадзянін Германіі9

Зянон Пазняк выдаў чарговую кнігу19

У чорных буслоў у Беларусі стала выводзіцца больш птушанят. У чым прычына?

Стрыжак расказаў, як змог так пахудзець8

Падрабязнасці тэракту Крыгера пад Азярышчам — разбураныя шпалы і ніводнага параненага10

больш чытаных навін
больш лайканых навін

Стала вядома пра арышт гісторыка Ігара Мельнікава3

Стала вядома пра арышт гісторыка Ігара Мельнікава

Галоўнае
Усе навіны →