Грамадства4444

Як Лукашэнка чарговы раз дробна адпомсціў Быкаву

І як у Беларусі праходзіць юбілейны год народнага пісьменніка.

Лукашэнка павіншаваў праўладны Саюз пісьменнікаў з 90-годдзем. І тут, як кажуць, ёсць нюанс. І нават не адзін, піша «Салідарнасць». 

— Перыяд Вялікай Айчыннай вайны адбіўся ў работах пісьменнікаў, якія самі гераічна абаранялі Радзіму. На сцяне рэйхстага пакінулі свае аўтографы паэты Пятро Прыходзька і Паўлюк Прануза, — гаворыцца ў віншаванні.

На гэтым згадкі беларускіх літаратараў, якія пісалі пра тую вайну, скончыліся. Няма ў святочным тэксце ні слова пра Васіля Быкава, 100-гадовы юбілей якога сёлета адзначаецца ў Беларусі і за яе межамі.

Такі ігнор не дзівіць, бо Лукашэнка з першых дзён знаходжання ва ўладзе помсціў Быкаву за ягоную грамадзянскую пазіцыю і публічныя выступы.

Франтавіку, народнаму пісьменніку давялося з’ехаць з уласнай краіны, атрымаць прыстанішча ў Нямеччыне, з якой ён некалі ваяваў у часе той крывавай вайне.

А калі беларусы развітваліся з Быкавым у чэрвені 2003-га, Лукашэнка з’ехаў са сталіцы з «раптоўнай» інспекцыяй у рэгіёны.

Сёлетні юбілей народнага пісьменніка Беларусі, чыё імя ведаюць па ўсім свеце, на ягонай радзіме праходзіць амаль незаўважна. Некалькі выставаў, адна з якіх зачынілася раней часу, асобны выпуск часопіса і бадай усё.

Пры гэтым дзяржаўнае агенцтва БелТа не пасаромелася паведаміць, што з нагоды 100-гадовага юбілея пісьменнікаў-франтавікоў Уладзіміра Багамолава, Юрыя Бондарава, Васіля Быкава і Барыса Васільева Асацыяцыя саюзаў пісьменнікаў і выдаўцоў Расіі абвесціла 2024-ы Годам лейтэнанцкай прозы.

Нехта можа заўважыць, што Лукашэнка адрасаваў сваё віншаванне Саюзу пад кіраўніцтвам Алеся Карлюкевіча. Маўляў, пры чым тут Васіль Быкаў. І гэта другі нюанс.

Два пісьменніцкія саюзы з’явіліся ў Беларусі ў 2005-м у выніку інспіраванага ўладамі расколу, калі пісьменніка не было ў жывых. Ён меў непасрэднае дачыненне да Саюза, створанага ў 1934-м. І цяжка паверыць у тое, што ягонае імя ў такі год не згадалі ў віншаванні выпадкова.

@nashaniva Сёння Васілю Быкаву споўнілася б 100 гадоў. Цікавая гісторыя з яго жыцця #васільбыкаў #беларусь #нашаніва #беларускаямова #беларускітыкток #жывебеларусь #белорусы ♬ Беларусь - Без Билета

Каментары44

  • Acab
    09.06.2024
    Саюз пісьменьнікаў антынатуральны, як і любое аб'яднаньне паміж сабой канкурэнтаў. Гэта створаны дзяржавай картэль, які інстытуыйна змагаецца з канкурэнтамі.
    Ўзьнікненьне другога картэлю ў 2005 годзе - барацьба за інстытуцыйныя (дзяржаўныя прывілеі) паміж двума картэлямі.
    Гэтыя аб'яднаньні антычытацкія. Паспяховаму пісьменьніку ня трэба саюз з канкурэнтамі-пісьменьнікамі, а трэба прызнаньне чытача.

    Варта зазначыць, аднак, что дзяржава можа змушаць дзеля кантроля ляяльнасьці да ўваходу творцаў ў картэльныя аб'яднаньні (пісьменьнікаў ў саюз пісьменьнікаў ў нашым выпадку), а да партачоў (творцаў па-за картэлям) стасаваць рэстрыкцыі
    Во як
  • Acab
    09.06.2024
    Што там сацыялісты з салідарнасьці хочуць? Полпот, мао і сталін не вітаюць нашых гэрояў? Якое ліха!!! Вох-вох-вох!
    Ну хочацца зьліцца са сталінскай прэміяй, як клясыкам белліту сваго часу. Ну як вам дапамагчы, салідарненькія
  • Миромирово
    09.06.2024
    Мертвым не больно. А живым мертвым все равно.

Замах на Дональда Трампа: у яго стралялі ў час выступу ў Пенсільваніі22

Замах на Дональда Трампа: у яго стралялі ў час выступу ў Пенсільваніі

Усе навіны →
Усе навіны

У мінскай краме знайшлі прадукт, які каштуе 12 тысяч рублёў за кілаграм. Ён запакаваны ў бокс супраць крадзяжу

Буйныя донары-дэмакраты збіраюцца замарозіць 90 мільёнаў даляраў унёскаў на кампанію Байдэна1

«Пачуй мяне. Ты — мудак». Прапагандыст Казакоў у жывым эфіры даў майстар-клас завочнай палемікі16

У Салігорскім раёне знайшлі вусеня вельмі рэдкага матылька. Чаму мы так рэдка яго бачым?3

Што адбываецца на мяжы з Польшчай перад выходнымі

«Замоў вельмі шмат». Польскі рэстаран арганізаваў дастаўку піцы проста ў чаргу на мяжы з Беларуссю1

Полк Каліноўскага абверг паведамленне Мінабароны Беларусі аб гібелі Яна Рудзіка3

У Іспаніі даказалі гіпотэзу 54-гадовай даўніны вядомага матэматыка родам з Кобрына

Пад Варшавай трагічна загінуў 31-гадовы беларускі раварыст Аляксандр Пуставітаў4

больш чытаных навін
больш лайканых навін

Замах на Дональда Трампа: у яго стралялі ў час выступу ў Пенсільваніі22

Замах на Дональда Трампа: у яго стралялі ў час выступу ў Пенсільваніі

Галоўнае
Усе навіны →