Следчыя канчаткова завяршылі расследаванне забойства расійскага спевака Ігара Талькова
Папулярнага спевака застрэлілі ў кастрычніку 1991 года. Кропка ў справе пастаўлена.
Следчыя завяршылі расследаванне забойства расійскага спевака Ігара Талькова, пра гэта заявілі ва ўпраўленні Следчага камітэта па Санкт-Пецярбургу, піша Медуза.
Ігара Талькова застрэлілі 6 кастрычніка 1991 года падчас сваркі з-за парадку выступленняў на музычным фестывалі ў ленінградскім палацы спорту «Юбілейны». Перад ім павінна была выступаць спявачка Азіза, але целаахоўнік Азізы Ігар Малахаў настаяў на тым, каб Азіза выступала пасля Талькова.
Раней версія была наступная: даведаўшыся аб змене чарговасці выступаў, Талькоў адправіў свайго дырэктара Валерыя Шляфмана высвятляць, што адбылося. Пасля гэтага Талькоў папрасіў паклікаць Малахава ў сваю грымёрку і пагаварыў з ім на павышаных танах. Ахоўнікі спевака вывелі Малахава ў калідор.
Апынуўшыся ў калідоры, Малахаў дастаў зброю. Шляфман вярнуўся ў грымёрку і сказаў пра гэта Талькову, які таксама выйшаў у калідор і два разы стрэліў у напрамку Малахава з газавага пісталета. Той адказаў двума стрэламі з рэвальвера, але ні ў каго не патрапіў. Спявак пачаў біць апанента ствалом пісталета па галаве. У нейкі момант з рэвальвера Малахава быў зроблены яшчэ адзін стрэл. Куля патрапіла ў Талькова, закрануўшы сэрца і лёгкае; ён памёр праз некалькі хвілін.
Расследаванне справы аднавілі ў 2018 годзе. Цяпер следства ўстанавіла, што спевака смяротна параніў менавіта Шляфман, які страляў з рэвальвера ў Малахава. Шляфман абвінавачваецца ў забойстве і замаху на забойства, учыненых агульнанебяспечным спосабам. Следчыя таксама заявілі, што дапыталі больш за 150 сведак, таксама яны канфіскавалі фрагменты кашулі Шляфмана са слядамі крыві.
Шляфман у лютым 1992 года з'ехаў у Ізраіль і неўзабаве змяніў прозвішча (зараз яго клічуць Валерый Высоцкі). Расійская пракуратура некалькі разоў спрабавала дабіцца следчых дзеянняў у дачыненні да былога дырэктара Талькова ў Ізраілі, але так і не змагла. Сам мужчына казаў, што вінаватым у забойстве сябе не лічыць.
Адна з самых вядомых песняў Талькова «Я вярнуся»
Я мечтаю вернуться с войны на которой родился и рос
На руинах нищей страны под дождями из слёз
Но не предан земле тиран объявивший войну стране
И не видно конца и края этой войне
Я пророчить не берусь, но точно знаю, что вернусь
Пусть даже через сто веков в страну не дураков, а гениев
И, поверженный в бою, я воскресну и спою
На первом дне рождения страны, вернувшейся с войны
Каментары