Вучоныя абяцаюць, што просты тэст на ПСА можа будзе зрабіць дома. Дакладнасць яго значна вышэйшая, чым у традыцыйнага.
Як піша выданне Daily Mail, у хуткім часе мужчыны змогуць прайсці абследаванне на рак прастаты ў хатніх умовах з дапамогай простага аналізу сліны замест таго, каб здаваць кроў у медустанове. Танны тэст, які выяўляе генетычныя маркеры раку ў ДНК людзей, паказаў значную эфектыўнасць у параўнанні з традыцыйным аналізам крыві.
Як паведамляе выданне, навукоўцы з Інстытута даследавання раку ў Лондане і Каралеўскага фонду Марсдэна NHS апрабавалі тэст на 6142 мужчынах ва ўзросце 55—69 гадоў. Паддоследныя самі збіралі ўзоры сліны, якія затым правяраліся на наяўнасць 130 генетычных варыяцый, якія карэлююцца з ракам прастаты.
Мужчыны, якія набралі найбольшую колькасць балаў (прыкладна 10%), былі запрошаныя на далейшае абследаванне, якое ўключае МРТ з наступнай біяпсіяй прастаты. З іх каля 558 былі адпраўленыя на далейшае тэставанне. У выніку ў 187 (40%) быў дыягнаставаны рак прастаты.
Вучоныя звяртаюць увагу, што пры традыцыйнай здачы аналізу на анкамаркёры ПСА (prostate-specific antigen) захворванне дыягнастуецца толькі ў 25% тых, у каго гэты паказчык істотна перавышае норму.
Акрамя гэтага, новы тэст дазволіў выявіць больш агрэсіўныя віды раку, чым тэст на ПСА. Так з 187 чалавек, у якіх было выяўлена захворванне, у 55,1% яно мела агрэсіўную форму. Сярод тых, у каго рак быў выяўлены дзякуючы тэсту на ПСА, агрэсіўная форма была ў 35,5%.
Другім станоўчым вынікам стала тое, што новы тэст прывёў да меншай колькасці памылкова станоўчых вынікаў у параўнанні з тэстам на ПСА. Што дазваляе адмовіцца ад правядзення дадатковых і дарагіх тэстаў.
Вучоныя спадзяюцца, што з дапамогай гэтага тэсту можна будзе палепшыць дыягностыку раку прастаты. Аднак патрабуюцца яшчэ дадатковыя даследаванні генетычных маркёраў, якія звязаныя з рызыкай раку прастаты ў розных этнічных груп насельніцтва, каб гарантаваць, што новы тэст можа прынесці карысць усім мужчынам.
Пасля даносу Бондаравай раптоўна адмянілі выставу ў музеі Янкі Купалы. Цяпер яна патрабуе на музеі шыльды па-руску29
Каментары