Дзве краіны ў ЕС прапанавалі не абмяжоўваць вываз люксавых тавараў у Беларусь
Германія і Францыя выступілі з ініцыятывай не абмяжоўваць вываз з ЕС люксавых тавараў, у прыватнасці аўтамабіляў, праз Беларусь. Пра гэта піша «Прайм» са спасылкай на Politico.
![](http://nnexpictures.fra1.digitaloceanspaces.com/img/w732d4webp1/photos/stock/porsche-1nqdy.jpg.webp)
Са слоў еўрапейскіх дыпламатаў, якія выступілі ў Politico, Германія пярэчыць таму, каб ЕС «закрыў шчыліну», якая дагэтуль дазваляе перамяшчаць прадметы раскошы ў Расію праз Беларусь.
Адначасова і Францыя не падтрымлівае ўвядзенне Еўрасаюзам абмежаванняў на пастаўкі люксавых тавараў у Расію. Пры гэтым Парыж гатовы да «жорсткіх захадаў у дачыненні да краін, якія абыходзяць санкцыі», калі гаворка ідзе пра «тавары, якія служаць вайсковым намаганням Расіі».
У дыскусіі, якая разгарнулася ў Еўракамісіі, Германія настойвае на ўзмоцненым экспартным кантролі толькі тавараў, прыдатных у ваенных дзеяннях Расіі.
На Германію прыходзіцца каля 42% экспарту аўтамабіляў з ЕС у Беларусь.
-
Літоўскі вясковы падворак на мяжы з Беларуссю выглядае, як аўтасалон па продажы прэміяльных аўто ВІДЭА
-
Пішуць лісты аўтавытворцам і ў літоўскую мытню. Сотні беларусаў чакаюць падсанкцыйныя аўто з ЗША
-
У Беларусі змянілі правілы ўвозу аўто з краін ЕАЭС. Некаторым пакупнікам давядзецца даплаціць не малыя грошы
Каментары