Аналаг «Бусліка» адкрыюць да 3 ліпеня. Ён таксама будзе мець беларускую назву
Новую сетку задумваюць як аналаг «Дзіцячага свету».
Да 3 ліпеня ў Мінску адкрыецца новая крама беларускіх тавараў для дзяцей пад назвай «Світанак Непаседа». Пра гэта паведаміла кіраўнік канцэрна «Беллегпрам» Таццяна Лугіна на прэс-канферэнцыі ў Нацыянальным прэс-цэнтры, піша Onliner.by.
Крама будзе ўяўляць сабой аналаг «Дзіцячага свету», але з акцэнтам на прадукцыю беларускіх вытворцаў. У «Світанак Непаседа» будуць прадавацца адзенне, абутак, цацкі і гігіенічныя сродкі для дзяцей ад нараджэння да падлеткавага ўзросту.
На адной пляцоўцы збяруцца тавары ад розных беларускіх вытворцаў.
— Гандлёвая сетка «Буслік» вызваліла сваю нішу, актыўна яе пачалі займаць кітайскія тавары. Таму мы вырашылі адкрыць свой гандлёвы аб'ект, — пракаментавала Таццяна Лугіна. — Я думаю, што гэты праект будзе дастаткова паспяховым і запатрабаваным сярод нашых дзяцей і бацькоў.
Лугіна выказала ўпэўненасць у поспеху і запатрабаванасці праекта на рынку.
Сетка «Буслік» спыніла сваю працу ў Беларусі ў канцы лютага. У сувязі з гэтым дзевяць расійскіх кампаній і адзін індывідуальны прадпрымальнік падалі пазовы супраць беларускай кампаніі «ДПМ», што кіравала сеткай «Буслік».
Прабеларускія лукашысты яднаюцца супраць прарасійскіх21
Прабеларускія лукашысты яднаюцца супраць прарасійскіх
«Тое, што хтосьці сядзіць за палітыку, з'яўляецца часткай пейзажу». Беларуска, якая наведала радзіму пасля доўгага перапынку, падзялілася ўражаннямі1010
Каментары