Грамадства1717

Якую маёмасць нажылі экс-банкірка Ермакова і дзве яе дачкі

Надзея Ермакова, шматгадовая кіраўніца Беларусбанка, а пасля старшыня праўлення Нацыянальнага банка і кароткачасовая кіраўніца Белгазпрамбанка пасля сыходу з яго ў палітыку Віктара Бабарыкі, нядаўна зноў нагадала пра сябе пасля таго, як яе ўключылі ў прэзідыум Усебеларускага народнага сходу. У сувязі з гэтым «Люстэрка» з дапамогай каманды Belpol даведалася, якой маёмасцю па стане на 2021 год валодалі сама Ермакова і сям'і дзвюх яе дачок — 48-гадовай Наталлі і 36-гадовай Юліі.

Надзея Ермакова пасля прызначэння ў прэзідыум Усебеларускага народнага сходу. Фота: БелТА

Надзеі Ермаковай належыць зямельны ўчастак плошчай 0,14 га, размешчаны ў мінскім катэджным пасёлку Веснінка на вуліцы Сёмкаўскай, 10. Тут пабудаваны дом.

Гэта першая берагавая лінія вадасховішча Дразды. Непадалёк — дамы бізнэсоўца Аляксандра Шакуціна, тэнісісткі Вікторыі Азаранкі, намесніка старшыні Беларускай федэрацыі тэніса Сяргея Цяцерына.

Дом Надзеі Ермаковай на вуліцы Сёмкаўскай у Мінску. Фота: Яндэкс. Карты

Агульная плошча дома — крыху больш за 226 «квадратаў», жылая — 106,5 кв. м. Будынак быў унесены ў Адзіны дзяржрэестр у студзені 2015 года.

Гэта другі дом Ермаковай у Мінску. Першы быў узведзены ў завулку Ізумрудным. Гэты ўчастак для будаўніцтва экс-банкіркі выдзелілі яшчэ ў сярэдзіне 2000-х, а пасля гэтую нерухомасць Ермакова падарыла сваёй старэйшай дачцэ Наталлі.

Акрамя таго, за экс-банкіркай лічыцца машына-месца ў доме №119 на праспекце Пераможцаў (па гэтым жа адрасе знаходзіцца кватэра мужа старэйшай дачкі). А вось аўтамабіляў на Ермакову зарэгістравана не было.

Што тычыцца дочак Ермаковай, то па стане на сярэдзіну 2021 года вядома, што старэйшая з іх, Наталля Чэпікава (прозвішча па мужу) працавала ў лізінгавай кампаніі «АСБ Лізінг» — гэта «дачка» «Беларусбанка». У падарунак ад маці ёй дастаўся дом №10 у завулку Ізумрудным у Мінску.

Дом №10 у завулку Ізумрудным у Мінску. Фота: Tut.by

У 2015 годзе гэты дом здавалі ў арэнду з усёй мэбляй і бытавой тэхнікай, за месяц пражывання там прасілі 6000 даляраў. У 2017-м арэндную плату знізілі да 4500 даляраў.

Скрыншот з сайта kvartirant.by
Дом №10 у завулку Ізумрудным у Мінску, здымак 2015 года. Фота: realt.by

У аб'яве было пазначана, што катэдж двухузроўневы, ягоная плошча — 336 квадратных метраў. Адзін з шасці пакояў адведзены пад гасцёўню з камінам і канапавай зонай.

Дом №10 у завулку Ізумрудным у Мінску, здымак 2015 года. Фота: realt.by

На каміне стаяла рамка-дрэва з сямейнымі фотаздымкамі. Разгледзець на іх твары было немагчыма. Затое не выклікаў сумневаў партрэт на камодзе, дзе відавочна намаляваная экс-кіраўніца Нацбанка Надзея Ермакова.

Дом №10 у завулку Ізумрудным у Мінску, здымак 2015 года. Фота: realt.by
Дом №10 у завулку Ізумрудным у Мінску, здымак 2015 года. Фота: realt.by

На 16 сотках у гаспадароў дома была невялікая сажалка з прэснай вадой, з дарожкай, выбрукаванай каменем, зона для барбекю з печчу-камінам і ляжанкай. Побач з зонай для адпачынку быў разбіты агарод з зелянінай, пасаджаны фруктовы сад.

Дом №10 у завулку Ізумрудным у Мінску, здымак 2015 года. Фота: realt.by

У 2020 годзе гэтае жыллё па шлюбнай дамове падзялілі на дзве часткі: адна належыць Наталлі, другая — яе мужу Аляксею. Таксама за Наталляй лічылася чатырохпакаёвая кватэра плошчай больш за 93 «квадраты», яна размешчаная побач з праспектам Пераможцаў — у мікрараёне Дразды на вуліцы Ільянскай, у 25-павярховым каркасна-блокавым доме, які пабудавалі ў 2018 годзе.

Жыллё было набыта ў 2019-м у забудоўшчыка «Пекінска-Мінская кампанія развіцця нерухомасці «БіЮСіСі».

Дом № 2а на вуліцы Ільянскай у Мінску. Фота: realt.by

Цяпер у гэтым доме выстаўленае на продаж жыллё. Напрыклад, мэбляваную і абстаўленую тэхнікай чатырохпакаёвую кватэру плошчай 91,2 кв. м прапануюць за 670 033 рублі, або 209 000 даляраў. Ёсць таксама трохпакаёўка плошчай 91,7 кв. м, яе прадаюць за 1 057 947 рублёў, або 330 000 даляраў.

Таксама Наталля была ўладальніцай трох аўто — BMW X6 2009 года выпуску, Mercedes-Benz ML 350 2015-га і Nissan Qashqai 2018-га.

Паводле звестак Belpol, муж Наталлі, 48-гадовы Аляксей Чэпікаў, акрамя дома ў Драздах таксама меў кватэру ў доме №119 на праспекце Пераможцаў. Гэта дом 2015 года будаўніцтва, размешчаны з процілеглага боку ад катэджнага мікрараёна Дразды. Таксама ў мужчыны ёсць два аб'екты нерухомасці ў вёсцы Вуглата Асіповіцкага раёна.

@nashaniva Якую маёмасць нажылі экс-банкірка Надзея Ермакова і дзве яе дачкі #нашаніва #беларусьновости #чиновники #взятки #беларусь #недвижимость #политика ♬ Funny Guy - Parry Music

Вядома, што Аляксей — індывідуальны прадпрымальнік, ён займаўся аптовым гандлем транспартам. Мабыць, у сувязі з гэтым на яго імя рэгістравалася шмат аўтамабіляў, таму якім карыстаецца менавіта ён — невядома. Дарэчы, поўны цёзка Чэпікава лічыцца выканаўчым дырэктарам лізінгавай кампаніі «Прамагралізінг».

У сям'і малодшай дачкі Ермаковай, Юліі Кухарэнка (прозвішча мужа), маёмасці значна больш, чым у сям'і яе старэйшай сястры. Адзначым, што Юлія раней працавала ў фінустановах — Беларусбанку і банку «Масква-Мінск». Таксама ў яе было адкрыта ІП (сфера дзейнасці — фатаграфія).

А яе муж — 36-гадовы Аляксандр Кухарэнка — дырэктар фірмы «Белае мора» (імпарцёр рыбы і морапрадуктаў у Беларусь). Па даных сэрвісу kartoteka.by, яе заснавальнікі — члены сям'і Кухарэнкаў. Юліі належыць 15% акцый, Аляксандру — 34%. Астатні пакет — за грамадзянінам Расіі Юрыем Кухарэнкам (відаць, гаворка пра бацьку Аляксандра).

Дом №27 на праспекце Пераможцаў у Мінску. Фота: realt.by

Юлія прапісаная ў цэнтры сталіцы — у чатырохпакаёвай кватэры ў 25-павярховым доме №27 (пабудаваны ў 2012 годзе) на праспекце Пераможцаў, гэта ЖК «Славянскі квартал». Займае плошчу 147,5 кв. м. Па дамове дарэння яго ўладальнікам лічыўся старэйшы сын мужа і жонкі — Міхаіл, цяпер яму 13 гадоў.

У пад'ездзе гэтага дома дзяжураць кансьержы, унізе ёсць падземны паркінг, закрытая дзіцячая пляцоўка на другім узроўні. У комплексе — спа-салон, аздараўленчы цэнтр «Дорсум», стаматалагічная клініка, банк, мыйка машын, кавярня і аптэка.

Самая танная кватэра сёння прадаецца там за 511 020 рублёў, або 159 400 даляраў — гэта двухпакаёўка плошчай 75 кв. м. Ёсць чатырохпакаёвая кватэра за 1 506 773 рубля, або 470 000 даляраў, таксама трохпакаёўка за 1 731 186 рублёў, або 540 000 даляраў, а таксама шасціпакаёвая без аздаблення кватэра за 2 885 310 рублёў, або 900 000 даляраў.

На імя Юліі былі зарэгістраваныя дзве аднапакаёвыя кватэры, іх плошча — 41,5 і 41,7 «квадрата». Жыллё размешчана ў 24-павярховым доме №1 на вуліцы Грыбаедава, які быў пабудаваны ў 2017 годзе.

Цяпер тут прадаюцца некалькі кватэр. Танней за ўсё там можна купіць аднапакаёўку плошчай 49,4 кв. м — 304 561 рубель, або 95 000 даляраў. Даражэй за ўсё прапануюць трохпакаёўку ў 85,8 кв. м — 769 416 рублёў, або 240 000 даляраў.

На пярэднім плане дом №1 па вуліцы Грыбаедава ў Мінску. Фота: realt.by

Таксама Юліі разам з двума іншымі ўласнікамі (Дзмітрый Круглоў і Аляксандр Жадзееў) належаў зямельны ўчастак для эксплуатацыі і абслугоўвання шматфункцыянальнага будынка на вуліцы Веры Харужай, 33а. У гэтым жа будынку знаходзіцца складское памяшканне № 6 плошчай 51,8 кв. м, яно зарэгістравана на Юлію.

Будынак па адрасе: Мінск, вул. Веры Харужай, 33А. Фота: Яндэкс. Карты

Аляксандр Кухарэнка валодае кватэрай у доме № 2 на вуліцы Жукоўскага. Яшчэ на яго зарэгістраваны зямельны ўчастак для будаўніцтва і абслугоўвання жылога дома ў вёсцы Дзічкі (гэта недалёка ад Заслаўскага вадасховішча і ў 20 км ад МКАД).

Таксама на мужчыну зарэгістраваныя два адміністрацыйныя памяшканні на вуліцы Аэрадромнай, 125 (гэта адрас рэгістрацыі яго кампаніі), а таксама яшчэ адно — на вуліцы Ляўкова, 30. Кухарэнка таксама пазначаны як уладальнік складскога памяшкання на вуліцы Герасіменкі, 55.

З аўтамабіляў у сям'і быў BMW X5 2017 года выпуску, ім валодала Юлія. 

Каментары17

  • №10
    01.06.2024
    Фанатка Монро?
  • Вадя
    01.06.2024
    [Рэд. выдалена]
  • Че
    01.06.2024
    Кухоренко Галина Петровна была председателем правления Белпромстройбанка, сейчас СберБанк. Вот откуда это все…. Это хозяева жизни: халявные кредиты, простое решение бизнес-вопросов. Чепиков, муж, обыкновенный баран, кстати. Одноклассник. Очень плохо учился. Но удачно женился. Как все повязано… Наверное такое возможно только там, где тирания. Ермакова - обыкновенный кассир, абсолютно не понимает в банковском деле. Вообщем нужен новый ленин. Много наросло буржуев от шкловского психа до разных чепиковых. [Рэд. - Выд.]

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?11

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Усе навіны →
Усе навіны

Яшчэ адна ахвяра непагадзі: у Магілёўскім раёне загінула 5-гадовая дзяўчынка

На беларуска-літоўскай мяжы упершыню за доўгі час з'явілася чарга з аўтобусаў1

Рыжанкоў: Беларусь гатова да дыялогу з Польшчай па сітуацыі на мяжы19

У залатой буцы на Еўра-2024 адразу некалькі ўладальнікаў

Як адрозніваюцца ўмовы працы для ІП у Беларусі і Літве? 1

Анёл Смерці. Гісторыя беларускі, якая паведамляе родным загінулых каліноўцаў пра іх гібель2

Аргенціна выйграла Кубак Амерыкі па футболе — і гэта таксама рэкорд

Як адразу пасля замаху на Трампа сацсеткі запоўнілі тэорыі змовы і пры чым тут Ілан Маск30

У Брэсце закансервуюць руіны 400-гадовага кляштара. Гэта адзінае збудаванне, што засталося ад гістарычнага Берасця4

больш чытаных навін
больш лайканых навін

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?11

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Галоўнае
Усе навіны →