68-гадоваму жыхару Ляхавічаў вынеслі шакуючы прысуд: сем гадоў калоніі і 12 тысяч рублёў штрафу

Палітвязня абвінавацілі па ўсіх прад’яўленых артыкулах:

• ч. 1 арт. 368 — абраза Аляксандра Лукашэнкі;
• арт. 188 — паклёп;
• ч. 2 арт. 367 — паклёп у дачыненні да прэзідэнта;
• арт. 369 — абраза прадстаўніка ўлады;
• ч. 2 арт.368 — абраза прэзідэнта, здзейсненая паўторна;
• ч. 1 арт. 130 — распальванне іншай сацыяльнай варожасці або варажнечы;
• ч. 1 арт.361 — заклікі да мер абмежавальнага характару (санкцый), накіраваных на прычыненне шкоды нацыянальнай бяспецы Рэспублікі Беларусь.

Барыс Вітко раней быў асуджаны за абразу суддзі паводле арт. 391 Крымінальнага кодэкса. Нібыта ён 30 верасня 2021 года ў тэлеграм-канале «Ляхавічы 97» ён напісаў абразлівы каментар у дачыненні да суддзі Мікалая Кміты.

20 студзеня 2023 года суд Ляхавіцкага раёна прызнаў яго вінаватым і прысудзіў два гады абмежавання волі без накіравання ва ўстанову адкрытага тыпу («хатняя хімія»).

Разгляд судовай справы пачаўся яшчэ 4 студзеня і доўжыўся з перапынкамі да 20 траўня.

Паводле матэрыялаў абвінавачання, Вітко са студзеня 2021 года па ліпень 2022 года «наўмысна размясціў у экстрэмісцкіх чатах паведамленні, якія змяшчаюць абразы прадстаўнікоў улады ў сувязі з выкананнем імі службовых абавязкаў.

Так, ён размясціў у сетцы Інтэрнэт інфармацыю абразлівага і паклёпніцкага характару ў дачыненні да Аляксандра Лукашэнкі, якая змяшчае загадзя ілжывыя звесткі, злучаныя з абвінавачваннем у здзяйсненні цяжкага і асабліва цяжкага злачынстваў, а таксама з мэтай дэстабілізацыі насельніцтва, размясціў у мэсэнджары «Telegram» каментары ў дачыненні да груп асоб, якія належаць да пэўных прафесій, рэлігіі і нацыянальнасці з заклікам да здзяйснення гвалтоўных дзеянняў, здзейсніў наўмысныя дзеянні, накіраваныя на ўзбуджэнне нацыянальнай, рэлігійнай і іншай сацыяльнай варожасці і варожасці».

@nashanivanews Пенсіянеру з Ляхавічаў далі 7 гадоў турмы #беларусь #беларускаямова #ляховичи #нашаніва #беларусьновости #новостибеларуси ♬ Crime Scene - Avery Alexander

А ў ліпені 2022 года Вітко «размясціў негатыўныя паведамленні і каментары, якія дыскрэдытуюць Рэспубліку Беларусь, змяшчаюць публічныя заклікі да захопу дзяржаўнай улады, гвалтоўнага змянення канстытуцыйнага ладу Рэспублікі Беларусь, здзяйснення акта тэрарызму і іншых дзеянняў, накіраваных на прычыненне шкоды нацыянальнай бяспецы Рэспублікі Беларусь».

Суд прызнаў пенсіянера вінаватым і на падставе ч. 2 арт. 367 КК прызначыў яму пакаранне ў выглядзе пазбаўлення волі на тэрмін тры гады;

— у публічнай абразе Аляксандра Лукашэнкі і на падставе ч. 1 арт. 368 КК два гады калоніі,

— у распаўсюдзе заведама ілжывых звестак (паклёп) у інфармацыі, размешчанай у інтэрнэце, якая змяшчае абвінавачванне ў здзяйсненні асабліва цяжкага злачынства, і на падставе арт.188 КК — два гады;

— у наўмысных дзеяннях, накіраваных на распальванне нацыянальнай, рэлігійнай і іншай сацыяльнай варожасці і варожасці па прыкмеце нацыянальнай, рэлігійнай і іншай сацыяльнай прыналежнасці, і на падставе ч. 1 арт. 130 КК — тры гады;

— у публічных закліках да захопу дзяржаўнай улады, гвалтоўнага змянення канстытуцыйнага ладу, здзяйснення акта тэрарызму і іншых дзеянняў, накіраваных на прычыненне шкоды нацыянальнай бяспецы і на падставе ч. 3 арт. 361 КК яму прызначана пакаранне ў выглядзе пазбаўлення волі — шэсць гадоў;

— у публічнай абразе Аляксандра Лукашэнкі, учыненай асобай, раней судзімай за абразу, і на падставе ч. 2 арт. 368 КК — тры гады;

— у абразе прадстаўніка ўлады ў сувязі з выкананнем ім службовых абавязкаў у інфармацыі, размешчанай у інтэрнэце, і на падставе арт. 369 КК яму прызначана пакаранне ў выглядзе пазбаўлення волі на тэрмін два гады са штрафам 300 базавых велічынь (12 000 рублёў).

Па сукупнасці прысудаў шляхам частковага складання неадбытай часткі прызначана пакаранне сем гадоў тры месяцы калоніі ва ўмовах узмоцненага рэжыму са штрафам у даход дзяржавы 300 базавых велічынь (12 000 рублёў).

• 3
• 0
• 0
• 3
• 1
• 5
• 36
• 0