Здарэнні66

У Мінску безбілетны пенсіянер моцна збіў кантралёрак палкай для збору смецця

Суд вынес прысуд 63-гадоваму жыхару сталіцы, які збіў палкай кантралёрак грамадскага транспарту, паведамляе агенцтва «Мінск-Навіны».

Фота ілюстрацыйнае

Мужчына ехаў нападпітку ў аўтобусе, маючы пры сабе палку для збору смецця з металічнымі наканечнікамі. Раптам у аўтобус увайшлі тры жанчыны-кантралёркі, якія, правяраючы квіткі, высветлілі, што пасажыр едзе задарма.

Кантралёркі папрасілі пенсіянера выйсці з салона на найбліжэйшым прыпынку. Ён раззлаваўся, аднак выйшаў. Пасля ж, прайшоўшы пешшу да наступнага прыпынку, зноў сустрэўся з гэтымі ж кантралёркамі. І так было некалькі разоў.

Калі работніца «Мінсктранса» чарговы раз перашкодзіла яму сесці ў аўтобус, мужчына тройчы ўдарыў яе сваёй палкай, таксама хапаўся рукамі і скінуў на асфальт акуляры.

Кантралёркі выклікалі міліцыю, аднак дэбашыр вырашыў схавацца. Каб гэтага не дапусціць, жанчыны пайшлі следам за ім, аднак дзядуля павярнуўся і ў адной з кантралёрак сарваў з камізэлькі відэарэгістратар, кінуў яго на асфальт, а затым паспрабаваў ударыць супрацоўніцу палкай па галаве. Тая перахапіла палку рукой, атрымаўшы пры гэтым пералом.

У выніку пенсіянера затрымалі, у дачыненні да яго распачалі крымінальную справу. Віну раней не судзімы мянчук цалкам прызнаў, у зробленым раскаяўся.

Суд прызначыў дэбашыру 2 гады «хатняй хіміі» і курс прымусовага лячэння ад алкагалізму. Акрамя таго, на карысць пацярпелых спагнаная кампенсацыя маральнай шкоды — 500 і 2000 рублёў — і шкоды за сапсаваную маёмасць «Мінсктранса».

Каментары6

  • Ёсік
    20.05.2024
    Далі два гады хатняй хіміі, а іншага пенсіянера трымаюць за кратамі, часта па этапе цягаюць, зьдзекваюцца толькі за тое, што сказаў праўду аб дырэктары саўгаса. Краіну падзялілі на дзьве Беларусі - на гэтых і тых. І зрабіў гэта вусаты мужык, які ў сваіх саўгасных ручышчах нясе гэты хрустальны сасут, і бздуру ўсялякую таксама верзе.
  • рпс
    20.05.2024
    У пачатку 90-х, у незалежнай Беларусi, пенсiянеры ездiлi бясплатна, у паездах таксама.
  • Живут плохо и недолго
    21.05.2024
    Да, нн позавидуешь белорусским пенсионерам трудового фронта-обречены жить в нищете при куче болячек. Донашивают, доедают, доживают... Это мрак и позор.

Мінск зноў пайшоў пад ваду ФОТЫ

Мінск зноў пайшоў пад ваду ФОТЫ

Усе навіны →
Усе навіны

Гіганцкая бліскавіца ўдарыла ў шматпавярховы дом у Баранавічах ВІДЭА1

Сёння апошні дзень прыёму дакументаў у ВНУ на бюджэт. Будзе горача ў прамым і пераносных сэнсах

У Варшаве затрымалі былога палітвязня Ігара Банцара — гэта ён прыйшоў у Міністэрства сям'і са зброяй57

Таксістаў ужо пачалі штрафаваць за выкарыстанне машын у асабістых мэтах — па дзіўным артыкуле4

Байдэн назваў адзіную ўмову, пры якой адмовіцца ад прэзідэнцтва10

Аднаго з найлепшых беларускіх трэнераў па настольным тэнісе судзяць за «садзейнічанне экстрэмісцкай дзейнасці»2

Пайшоў з жыцця беларускі вынаходнік Аляксандр Длатоўскі

Паглядзіце, як прыкольна выглядае беларускі пашпарт пад ультрафіялетам13

Гэты карлікавы кот з сарамлівым выглядам стаў новай зоркай сацсетак6

больш чытаных навін
больш лайканых навін

Мінск зноў пайшоў пад ваду ФОТЫ

Мінск зноў пайшоў пад ваду ФОТЫ

Галоўнае
Усе навіны →