Матацыкл прыцягнуў увагу барысаўскіх супрацоўнікаў ДАІ тым, што ягоны рэгістрацыйны нумар не прабіваўся па базе.

Скрыншот відэа: УУС Мінаблвыканкама
Патрабаванне аб спыненні кіроўца матацыкла «Мінск» праігнараваў. Тады супрацоўнікі ДАІ зладзілі пагоню, якая абышлася без страляніны.
Праз некаторы час матацыкл спыніўся. Аказалася, што ім кіраваў 17-гадовы хлопец без правоў. У яго таксама не было дамовы абавязковага страхавання.
На хлопца склалі 4 пратаколы, «Мінск» адправілі на штрафстаянку.
Каментары