Свет1818

У Польшчы скандал з-за даўжыні сукенкі кандыдаткі ў Еўрапарламент. Дэпутат абразіў кандыдатку – і панеслася

У Польшчы на ​​фоне наступных выбараў у Еўрапейскі парламент здарыўся скандал з-за перадвыбарчага плаката. 

Фота: Sławomir Mentzen / X

На вуліцах Варшавы з'явіўся плакат прэс-сакратара правапапулісцкай партыі «Канфедэрацыя» Эвы Заянчкоўскай-Хернік — яна балатуецца ў Еўрапарламент па спісе ў польскай сталіцы. Банер некаторыя палічылі некарэктным: на ім палітык — у сукенцы вышэй калена. Надпіс на плакаце абвяшчае «Хочам жыць нармальна!»

Адзін з лідэраў «Канфедэрацыі» Славамір Менцэн апублікаваў плакат у сетцы X з заклікам галасаваць за кандыдата. І справакаваў абмеркаванне плаката: многія каментатары называлі банер правакатыўным, а прафсаюзны актывіст Пётр Шумлевіч заявіў, што палітык «пераблытала выбарчую кампанію з сайтам знаёмстваў», піша polskieradio24.pl.

Дасталася «Канфедэрацыі» і ад кансерватараў: тыя запусцілі ў сетцы хэштэг «Спыніце сэксуалізацыю» і заклікалі «не галасаваць за правае порна».

Але сапраўдны скандал выліўся пасля таго, як плакат пракаментаваў дэпутат Сейма ад партыі «Польшча 2050», якая ўваходзіць ва ўрадавую кааліцыю, Славамір Цвік.

Парламентарый апублікаваў пост, дзе заявіў:

«Большасць кандыдатаў паказваюць галовы, таму што жадаюць працаваць галавой, чаго чакаюць выбаршчыкі. Але не ўсе з кандыдатаў…»

Пост Цвіка выклікаў абурэнне ў каментарах і ў польскім палітыкуме, здаецца, на імгненне аб'яднаўшы ўрад і апазіцыю. Пост Цвіка асудзілі як дэпутаты ад апазіцыйных «ПіС» і «Канфедэрацыі», так і ад кіруючай Грамадзянскай кааліцыі. Парламентарыю неўзабаве прыйшлося выдаліць пост.

Славамір Цвік. Фота: фэйсбук

Аднак на гэтым усё не скончылася.

Заянчкоўска-Хернік прымацавала скрыншот выдаленага паведамлення ў сябе ў X з подпісам «Інтэрнэт памятае ўсё». Акрамя таго, яна адзначыла спікера Сейма Шымона Халаўню — лідара партыі «Польшча 2050» – і заявіла, што «павінна быць сорамна мець такіх людзей, як Цвік, у сябе ў арганізацыі».

Неўзабаве Цвік вырашыў яшчэ раз пракаментаваць скандал. Дэпутат адзначыў, што не ён выбіраў фота для плаката Эвы: «Вы вырашылі паставіць такі здымак і дасягнулі сваёй мэты – ідзе дыскусія, і людзі каментуюць тое, што каментуюць. Я выказаў толькі сваё меркаванне, але, мяркуючы па каментарах, я ў меншасці».

Заянчкоўска-Хернік адказала на гэта коратка: 

«Фота прыгожае, элегантнае і стылёвае. У адрозненне ад вас».

У выніку Цвіку прыйшлося напісаць яшчэ адзін пост — ужо з канкрэтнымі выбачэнням. Ён заявіў, што дапусціў памылку, калі пракаментаваў фота Заянчкоўскай-Хернік: «Не збіраюся прыкрывацца «ўзломам» акаўнта. Прашу прабачэння ў Эвы і абяцаю больш не каментаваць перадвыбарныя плакаты».

«Канфедэрацыя свабоды і незалежнасці» аб'ядноўвае цэлы шэраг правых і ўльтраправых арганізацый. Партыя адпрацоўвае антымігранцкі і еўраскептычны парадак дня, выступае за дэмантаж палітычных органаў Еўрасаюза. «Канфедэрацыя» агітуе супраць дапамогі Украіне і ўкраінскім уцекачам.

На парламенцкіх выбарах у 2023 годзе партыя атрымала 18 месцаў у Сейме, набраўшы 7,61% галасоў. 

Выбары ў Еўрапарламент пройдуць з 6 да 9 чэрвеня.

Каментары18

  • Хернік - элегантны нік...
    05.05.2024
    «Фота прыгожае, элегантнае і стылёвае. У адрозненне ад вас» - усё правільна дзеўка сказала. ён проста зайздросціць, бо неэлегантны, несэксуальны і... калі кажа, што 'працуе галавой', дык па ім бачна, што працуе галавой толькі, калі есць
  • Žvir
    05.05.2024
    Rekliamny fokus, i bolš ničoha.
  • Лол
    05.05.2024
    Гендэрныя квоты ў КР- вось дзе скандал. Наша Ніва асвяціла бы лепей гэтую праблему, напрыклад ці ёсць у Еўрапарламенце гендэрныя квоты на дэпутаў.

Іспанія чацверты раз у гісторыі выйграла Еўра — і гэта рэкорд ВІДЭА5

Іспанія чацверты раз у гісторыі выйграла Еўра — і гэта рэкорд ВІДЭА

Усе навіны →
Усе навіны

«Генерал-шпіц Умка пад кодавым іменем Беленькі». Найлепшыя твіты тыдня9

У Мінску на дзяўчыну, якая вярталася з пляжу, упала дрэва. Яна загінула3

Чэшка Барбара Крэйчыкава перамагла на Уімблдоне-2024

Лукашэнка заявіў пра «ліквідацыю напружанасці на мяжы з Украінай» і выступіў з прымірэнчымі заявамі: «Трэба дамаўляцца»28

Ураган змёў кемпінг на Віліі, паведамляюць пра загінулага3

У Мінску шторм вырываў дрэвы і руйнаваў рэкламныя шчыты ФОТЫ і ВІДЭА15

Па Беларусі коціцца непагадзь, моцныя вятры і залевы ФОТЫ і ВІДЭА2

У мінчука скралі рэчы, пакуль ён купаўся ў Цнянскім вадасховішчы

«Каханне ўсяго майго жыцця». Арына Сабаленка пацвердзіла свае адносіны з бразільскім бізнэсменам16

больш чытаных навін
больш лайканых навін

Іспанія чацверты раз у гісторыі выйграла Еўра — і гэта рэкорд ВІДЭА5

Іспанія чацверты раз у гісторыі выйграла Еўра — і гэта рэкорд ВІДЭА

Галоўнае
Усе навіны →