Грамадства22

«Думалі, што я амерыканец». Беларус стварыў у Польшчы эма-панк-гурт, які палюбілі ў ЗША

Ryan Cooper — пад такім псеўданімам выступае 20-гадовы беларус — заснаваў у Польшчы музычны гурт Rusted Teeth, які грае ў жанры эма-панк. Музыкі ўжо запісалі першы альбом і анансавалі тур па Польшчы. Як узнік праект і чаму гурт стаў папулярны сярод амерыканскіх слухачоў, Раян расказаў выданню Most.

Ryan Cooper. Выступленне Rusted Teeth. Фота з інстаграма гурта

Музыкай Раян захапіўся яшчэ ў школе — кажа, яму вельмі пашанцавала з выкладчыцай.

«Са школы адразу бег на рэпетыцыі, капейкі збіраў, каб за іх заплаціць. І ўвогуле ніколі не расставаўся з гітарай», — расказвае малады чалавек.

Падлеткам Раян граў на вуліцах Мінска, зарабляючы «вельмі нядрэнныя грошы для школьніка» — часам атрымлівалася нават «адхапіць сто даляраў ад замежніка». А калі два гады таму малады чалавек пераехаў у Польшчу, зноў стаў граць на вуліцы, каб мець даход, пакуль не знойдзе працу. Праўда, аказалася, што «тут людзі крыху скупейшыя».

«Ніхто не верыў, што з гэтага нешта выйдзе»

Неўзабаве Раян зразумеў, што яму не хапае калектыву — з-за таго, што не было з кім было граць, пачалася «жудасная ломка». Тады беларус знайшоў тэматычны гурт у фэйсбуку і выклаў вялікі пост на англійскай мове, у якім распавёў пра свой музычны досвед.

«Палякі, якія пісалі мне, думалі, што я амерыканец, — смяецца музыка. — Калі я ім сказаў, што з Беларусі, у іх вочы былі па пяць капеек — нічога сабе».

Дзякуючы пасту ў суполцы да Раяна далучыўся гітарыст. Ён прывёў басіста, а той — бубнача. У хлопцаў ужо быў досвед ігры ў гурце, але, па словах Раяна, няўдалы.

Маладыя людзі пачалі рэпеціраваць, і неўзабаве гурт даў першы канцэрт у беластоцкім клубе Motopub.

«Ніхто не верыў, што з гэтага нешта выйдзе. Але калі мы сыгралі першы канцэрт і ўбачылі, што ў нас плюс сто падпісчыкаў, зразумелі: нешта ў гэтым ёсць».

Да таго ж канцэрт акупіўся:

«Мы пайшлі ў вялікі плюс, дзесьці 4 тыс. злотых».

Выступленне Rusted Teeth. Фота з інстаграма гурта

«Падлеткі і старыя мужыкі, якія ў маладосці слухалі панк»

Далей хлопцы вырашылі запісаць першы альбом — Pictures. У Раяна якраз былі грошы ад продажу машыны ў Беларусі, і ён уклаў іх у запіс.

За першы месяц альбом сабраў каля 22 тыс. праслухоўванняў у Spotify. Але затым, дасягнуўшы адзнакі ў 50 тыс., прагляды сталі паступова падаць.

«Мы сталі хутка дзейнічаць і анансавалі першы тур, у які паедзем ужо ў чэрвені», — расказвае музыка.

У планах гурта — выступы ў Ольштыне, Уроцлаве і Гданьску. Раян упэўнены, што адзін з найважнейшых спосабаў атрымаць папулярнасць — уменне правільна прарэкламаваць групу. Заробленыя на канцэртах грошы маладыя людзі ўкладаюць у развіццё ўласнага брэнда — рэкламу, кліпы і фотасесіі.

«Я не спаў начамі, каб навучыцца прасоўваць музыку. Сэрцы фанатаў на канцэрце вельмі лёгка захапіць, але іх занадта мала ў Беластоку. Таму я стаў вучыцца правільна размяркоўваць грошы на рэкламу — і ў мяне атрымалася выгадна прадаць сябе, свой вобраз», — расказвае беларус.

У Spotify цяпер у гурта больш за ўсё праслухоўванняў з Амерыкі: хлопцы выконваюць песні па-англійску. На канцэрты, па назіраннях Раяна, прыходзяць у асноўным падлеткі і «старыя мужыкі, якія ў маладосці слухалі панк».

«Часта бываюць эма, готы. І я вырашыў, раз такая аўдыторыя, то атрымліваецца такі жанр — эма-панк. Хоць ставіць межы я не хачу, напрыклад, музыка ў наступным альбоме будзе цяжэйшай», — адзначае беларус.

Пры гэтым сам Раян не належыць ні да якіх субкультураў, называючы сябе свабодным чалавекам.

Выступленне Rusted Teeth. Фота з інстаграма гурта

«Як быццам усё жыццё сярод палякаў і жыў»

Граць у групе з палякамі Раяну камфортна. Кажа, не заўважыў розніцы ў менталітэце.

«Як быццам я ўсё жыццё сярод іх і жыў, неяк у нас усё адразу закруцілася. Бываюць выпадкі, што хлопцы не разумеюць лакальныя беларускія прыколы, але я іх вучу, і яны паціху пачынаюць размаўляць па-руску і па-беларуску», — расказвае Раян.

У сваю чаргу, астатнія ўдзельнікі гурта вучаць беларуса польскай — дзякуючы ім Раян ужо засвоіў мову на размоўным узроўні. Кажа, хлопцы «склаліся, як пазл».

Цяпер гурт запісвае песні на англійскай мове, але Раян не выключае, што ў будучыні могуць з'явіцца і беларускамоўныя песні. А вось на польскай — наўрад ці.

«Калі шчыра, польская як быццам не меладычная мова, але гэта маё суб'ектыўнае меркаванне», — кажа Раян.

Каментары2

  • Yeah
    02.05.2024
    Punks not dead 🤘
  • Ал
    02.05.2024
    Добра валяць хлопцы! 

Мінск сёння амаль цалкам пайшоў пад ваду ФОТЫ6

Мінск сёння амаль цалкам пайшоў пад ваду ФОТЫ

Усе навіны →
Усе навіны

У Мазыры байцоўскі сабака пакусаў двух дзяцей1

У Расіі сканчваюцца велізарныя запасы савецкай зброі. Магчыма, ёй давядзецца згарнуць наступальныя дзеянні22

Выходзіць з друку кніга пра легендарны рок-гурт «Нейра Дзюбель». Адкрыты папярэдні заказ1

Блогерка-ябацька лямантуе, што ёй пагражаюць чыноўнікі18

Кіраўнік МЗС расказаў, на каго не будзе распаўсюджвацца бязвізавы рэжым3

Пасля замаху на Трампа жанчыны-агенты Сакрэтнай службы сталі мішэнню сексісцкіх нападак28

Беларусь устанавіла бязвізавы рэжым для грамадзян 35 краін Еўропы14

Беларусы запусцілі новую платформу для краўдфандынгу3

Памёр Мікалай Дамашкевіч6

больш чытаных навін
больш лайканых навін

Мінск сёння амаль цалкам пайшоў пад ваду ФОТЫ6

Мінск сёння амаль цалкам пайшоў пад ваду ФОТЫ

Галоўнае
Усе навіны →