Лукашэнка стане старшынёй УНС адначасова з прэзідэнцтвам. Намеснікам будзе Косінец
64-гадовы выхадзец з-пад Оршы даўно працуе ў вышэйшых эшалонах улады. У 2014—2016 гадах ён быў кіраўніком ягонай Адміністрацыі. Апошнія гады ён працаваў дарадцам Лукашэнкі.
Да прыходу на дзяржаўную службу Аляксандр Косінец зрабіў выдатную кар’еру ў медыцыне. Ён быў вядомым у краіне хірургам, ужо ў 37 гадоў стаў прафесарам. Пабываў таксама рэктарам Віцебскага медыцынскага ўніверсітэта.
Лукашэнка ў свой час характарызаваў Косінца як вельмі гарачага чалавека, а на сённяшнім УНС таксама адзначыў ягоную рэзкасць, лічачы гэта станоўчай якасцю.
«Гэта працаголік і патрыёт. Я нават у свой час засумняваўся. Думаю, ці не стаіць хто-небудзь адтуль — ці з Усходу, ці з Захаду — за спінай гэтага чалавека: ён настолькі быў рашучым у выкананні тых даручэнняў, якія я яму даваў. Часта я правяраў яго гэтымі даручэннямі, — заўважыў Аляксандр Лукашэнка сваім асіплым голасам у кароткай рэпліцы пра Касінца. — Косінец якім быў, такім і застаўся — надзейным і патрыятычным чалавекам», — падсумаваў ён.
Чытайце таксама: «Ды ён усіх закалупаў!» Упершыню ў Лукашэнкі з'явіўся намеснік. Хто ён — Аляксандр Косінец?
У той жа час, калі Косінец узначальваў Адміністрацыю Лукашэнкі, апошні не раз рэзка крытыкаваў яго за няздольнасць вырашыць кадравыя пытанні, а таксама за тое, што адміністрацыя не зʼяўляецца цэнтрам, які прапаноўвае практычныя рашэнні.
Інсайдары казалі, што Косінец тады нажыў сабе нямала ворагаў у дзяржаўным апараце, бо ўлазіў у кожную справу, быў ініцыятыўна актыўным.
У 2005—2008 гадах ён быў намеснікам прэм'ер-міністра, а ў 2008—2014-м кіраваў Віцебскай вобласцю.
У снежні 2016 годзе, неўзабаве па сканчэнні выбараў у Палату прадстаўнікоў, Косінец быў звольнены з пасады кіраўніка адміністрацыі Лукашэнкі, а праз паўгода быў прызначаны памочнікам Лукашэнкі. Гэтую пасаду ён і займаў амаль сем гадоў.
Як складаліся лёсы былых кіраўнікоў Адміністрацыі Лукашэнкі
Прапагандыст Тур, які крытыкаваў сонных чыноўнікаў на нарадах, сам заснуў падчас прамовы Лукашэнкі
Крайне хрыплы Лукашэнка пачаў выступ на УНС з ваяўніча антызаходняй рыторыкі
Хто яна, дэлегатка УНС з самай арыгінальнай прычоскай? ФОТАФАКТ
Без мікрахвалёўкі або планшэта — што падарылі дэлегатам УНС гэтым разам
Каго вылучылі ў прэзідыум «Усебеларускага народнага сходу»
Міліцыя выпадкова выклала ўнутраны дакумент з аналізам медыя. Вось каго яны сёння чыталі і якія СМІ лічаць незалежнымі4
Каментары