Грамадства66

«Скончацца хахлы — скончыцца СВА». Што пісаў у чатах жыхар Баранавічаў, ахрышчаны «экстрэмістам з арсеналам зброі»

Праўладныя каналы расказалі пра затрыманага калекцыянера зброі і чорнага капальніка Аляксея Лопуха. І тут жа ахрысцілі яго ўдзельнікам пратэснага руху. «Наша Ніва» паглядзела на біяграфію Лопуха і тое, што ён пісаў у сацсетках.

Аляксей Лопух. Фота з ягонай старонкі Укантакце (архіўная копія)

Ці сапраўды Лопух засвяціўся ў пратэсных чатах? Так. Праўда, ягоныя каментары непалітычныя.

Суполкі, у якіх засвяціўся тэлеграм-акаўнт Аляксея

Тэлеграм-акаўнт Аляксея быў дрэнна абаронены, то бок, быў адразу бачны па ягоным нумары. Імаверна, менавіта так яго і вылічылі губазікаўцы — гэта было зусім нескладана.

У чаце групы «Карнікі Беларусі» ён напісаў пад адным з фота сілавікоў: «добрая вінтовачка, пад пятнаццаць тысяч даляраў разам з прыцэлам каштуе».

Мы знайшлі ў яго агулам тры каментары ў «пратэсных» суполках: у «Карніках», у чаце канала LUXTA (Лопух там бяскрыўдна пажартаваў) і ў чаце канала «Мая краіна Беларусь» (ён разважаў пра тое, што варта быць пільным з грашыма за мяжой і не пакідаць іх абы-дзе).

Каментары ў іншых суполках таксама не пра палітыку. Напрыклад, у адной з суполак Лопух расказваў пра так званыя аптэчныя наркотыкі і разважаў, як не патрапіць за іх за краты.

Так называюцца псіхатропныя прэпараты, якія фармальна не падпадаюць пад наркатычнае заканадаўства, але выклікаюць змяненне свядомасці ў тым ці іншым выглядзе (іх можна нават атрымаць па рэцэпце). У другой распавядаў пра тое, як спаліў вядро эпаксіднай смалы і раіў чалавеку, што калі абліць бензінам шыны, то яны будуць доўга гарэць — акурат гэты радок на АНТ выдаюць за «навучаў усіх ахвотных абыходзіцца з выбухоўкай». У трэцяй гутарыў пра тое, што ўзяць у доўгі паход.

У сюжэце АНТ Лопуха называюць «змагаром». Але гэта няпраўда. Напрыклад, у адным з чатаў не так даўно ён называў украінцаў «хахламі», вайну — «СВА», а таксама прапанаваў «падкладаць украінцам у акопы наркотыкі, каб раскласці іх маральна». Выкарыстоўваў словы «пшэкі» і «свідомыя».

Паведамленні Лопуха ў адной з тэлеграм-суполак

Аляксею Лопуху 27 гадоў, ён з Баранавічаў. Месца ягонай працы невядомае. Згодна са звесткамі «Белпола», на якія спасылаецца Белсат, ён даўно займаўся чорным капальніцтвам і цікавіўся зброяй.

У 2017-м на Аляксея заводзілі крыміналку за спробу перавезці ў Расію глушыльнік для аўтамата Калашнікава, але ў выніку справу закрылі. Па меркаванні «Белпола», гэта можа быць сігналам яго супрацоўніцтва са спецслужбамі Беларусі.

Некалькі разоў Лопуха прыцягвалі да адміністрацыйнай адказнасці за дробныя парушэнні — знаходжанне ў нецвярозым стане, адсутнасць флікера ў вечаровы час.

Уся зброя Аляксея вылегчаная, то-бок не можа страляць баявымі патронамі. Гранаты таксама без выбуховай часткі. Губазікавец Мікалай Талчкоў у відэа кажа, што за Лопухам сачылі з 2014-га года, гэта значыць, пра зброю амаль напэўна ведалі ўвесь гэты час.

«Наша Нiва» — бастыён беларушчыны

ПАДТРЫМАЦЬ

Каментары6

  • жабагадзюкінг
    22.04.2024
    Шо гэбня выйшла на сваю агентуру?
  • які прэкрасны
    22.04.2024
    жабскі гадзюкінг
  • Мук
    22.04.2024
    Ну тут понятно. В стране сотни "террористов" и тысячи "экстремистов" и все без оружия. Даже уже дети смеются с этого цырка на дроце. Раньше арматуру в гаражи подкидывали, потом Белый легион был со страйкбольными игрушками. Ну а сейчас решили своего сексота с выхолощенным оружием пресаннуть. Диктатор ведь требует посадок, жада мести всему народу никуда не делась, да и очернять мирные протесты нужно продолжать. Что-что, а в очернении диктатор поднаторел в бытность своей работы комсоргом, политруком и лектором общества Знание.

Замах на Дональда Трампа: у яго стралялі ў час выступу ў Пенсільваніі69

Замах на Дональда Трампа: у яго стралялі ў час выступу ў Пенсільваніі

Усе навіны →
Усе навіны

Пазняк перакананы, што ў другім туры выбараў-1994 перамог бы Лукашэнку118

Месяцы карцару і два з паловай гады без сонца. Як малады мінчук прайшоў праз калонію і крытую турму5

Новыя Patriot і SAMP/T не змогуць абараніць Харкаў, Сумы, Мікалаеў і Чарнігаў — аналітыкі

За 40 км ад Мінска ёсць унікальны бясплатны гідрапарк з вадаспадамі, лесам, пляжамі і нават «джакузі»2

У Беларусь зноў заляцеў шахед. Гэтым разам ён дабраўся да Віцебска12

У Кобрыне больш не будзе вуліцы Каліноўскага12

Саміт НАТА паказаў адсутнасць моцнага лідара накшталт Чэрчыля — Bild3

Каго сёння можна назваць сапраўдным патрыётам Беларусі? Гутарка з філосафам Баркоўскім13

Грамадзяніна Індыі, як мяркуецца, узялі ў закладнікі ў Беларусі9

больш чытаных навін
больш лайканых навін

Замах на Дональда Трампа: у яго стралялі ў час выступу ў Пенсільваніі69

Замах на Дональда Трампа: у яго стралялі ў час выступу ў Пенсільваніі

Галоўнае
Усе навіны →