Палац грамадзянскіх абрадаў у Мінску часова не будзе прымаць заявы на рэгістрацыю шлюбу
Ён пераязджае ў іншае памяшканне.
У Мінску Палац грамадзянскіх абрадаў, што на вуліцы Камуністычнай, у сувязі з правядзеннем рамонтных работ пераязджае ў іншае памяшканне. У яго працу ўнесены змены, паведамляе БелТА.
Па 27 красавіка тут ажыццяўляюць толькі прыём грамадзян, звязаны з урачыстай рэгістрацыяй заключэння шлюбу па папярэдне пададзеных заявах.
«У выпадку неабходнасці падачы заявы на рэгістрацыю заключэння шлюбу вы маеце права звярнуцца ў любы з аддзелаў ЗАГСа горада Мінска. Для атрымання звестак з запісу акта грамадзянскага стану (даведак, паўторных сведчанняў) рэкамендуем звярнуцца ў названы перыяд у сектар архіва органаў, якія рэгіструюць акты грамадзянскага стану Галоўнага ўпраўлення юстыцыі Мінгарвыканкама па пр. Пушкіна, 42», — распавялі ва ўпраўленні.
Палац грамадзянскіх абрадаў з 30 красавіка будзе знаходзіцца па адрасе: пр.Пераможцаў, 59 а (гасцініца «Вікторыя»).
Коля Лукашэнка сыграў на раялі на «Дні народнага адзінства». Яго тата перад гэтым прыгразіў Трэцяй сусветнай вайной34
Каментары