У цэнтры Мінска ўзводзяць гандлёвы цэнтр з зялёным газонам на даху
У кампаніі-забудоўшчыку абяцаюць, што на дах зможа падняцца любы ахвотны. Там можна будзе пасядзець на траве і паназіраць за заходам сонца з вышыні птушынага палёту.
На Нямізе ў Мінску будуюць шматфункцыянальны комплекс Sigma, які абяцаюць адкрыць у 2025 годзе, паведамляе кампанія-забудоўшчык «Сігмаполюс».
Комплекс Sigma ўзводзяць на скрыжаванні вуліц Нямігі і Клары Цэткін.
Асаблівасцю гандлёвага комплексу стане зялёная зона на даху будынка, дзе высадзяць натуральны газон і невялікія дрэвы.
У кампаніі-забудоўшчыку абяцаюць, што на дах зможа падняцца любы ахвотны. Там можна будзе пасядзець на траве і паназіраць за заходам сонца з вышыні птушынага палёту.
Будынак будзе зменнай паверхавасці — ад трох да 12 узроўняў. Агульная плошча комплексу — 64 тыс. кв. м. Тры ўзроўні зойме гандлёвы цэнтр на 23,5 тыс.кв. м, дзевяць узроўняў — бізнэс-цэнтр на 23,2 тыс. «квадратаў». У ім будуць таксама медцэнтр і трохузроўневы паркінг на 550 машына-месцаў.
Паведамляецца таксама, што гандлёвы цэнтр абсталююць сучаснымі інжынернымі рашэннямі, якія не толькі экалагічныя, але і бясшкодныя для здароўя.
Чалы: Чым даўжэй Лукашэнка марудзіць з выбарамі, тым больш аргументаў, каб яму не ісці15
Каментары