Здарэнні88

«Мама — не расказаць. Акно разбівала, думала выратаваць дзяцей». Падрабязнасці трагедыі ў Бярозаўскім раёне, дзе на пажары загінулі чацвёра дзяцей

У нядзелю пры пажары ў Бярозаўскім раёне ў вёсцы Ястрэбель загінулі чацвёра малых дзяцей ва ўзросце ад двух месяцаў да шасці гадоў. З агню змагла выратавацца толькі 37-гадовая маці і яе 4-гадовая дачка. Яны знаходзяцца ў бальніцы.

Згарэлы дом. Фота: СТБ

Два званкі з розніцай усяго ў некалькі хвілін — спачатку на лінію 101 датэлефанаваўся сведка, следам і маці. Усё адбывалася на вачах суседкі Надзеі Максімаўны. Яна сабралася пакарміць курэй, калі пачула рэзкі хлапок. Следам — полымя і крык. Пажылая жанчына выйшла на дарогу і ўбачыла 4-гадовую малую, паведамляе СТБ.

«З веранды полымя ледзь не да гаража. Не падыдзеш. Я да дзяўчынкі падышла, кажу: «Хто цябе вывеў?» — «Я сама выбегла». Пытаюся: «Дзе астатнія?» — «Дома засталіся». А мама — не расказаць. Акно разбівала, думала выратаваць дзяцей», — кажа жанчына.

У гэты дзень стаяў моцны вецер. Полымя з веранды ў долю секунды перакінулася на дах. Драўляны дом успыхнуў як запалка.

Супрацоўнікі МНС аператыўна прыбылі да месца выкліку. У доме гаспадарыў агонь. Унутры ратавальнікі знайшлі целы загінулых чацвярых дзяцей ва ўзросце ад 2 месяцаў да 6 гадоў. На месцы пажару працавалі спецыялісты. Была аказана неабходная псіхалагічная дапамога сваякам загінулых дзяцей.

Па словах відавочцаў, агонь пачаўся на верандзе, а затым ахапіў увесь дом. Перакрыцці і дах цалкам знішчаны. Сцены захаваліся не цалкам. Што ж стала прычынай такой страшнай трагедыі, зараз высвятляюць спецыялісты.

У вёсцы Ястрэбель пражывае каля 200 чалавек. Усе адзін у аднаго навідавоку. Пацярпелая сям'я пераехала з Салігорска прыкладна год таму. Аднавяскоўцы пераконваюць, што была нармальная, не выпівалі, нічога кепскага. Мама знаходзілася ў дэкрэтным адпачынку і ўвесь час прысвячала дзецям.

Сама сям'я з Салігорска. Бацька там працуе на шахтах. Быў у нядзелю, а 11-й гадзіне паехаў на працу назад. Трагедыя здарылася праз тры гадзіны.

Пацвярджае гэта і старшыня сельсавета. Старэйшая дзяўчынка рыхтавалася восенню ісці ў першы клас. Сям'ю дома наведвалі і сацыяльны педагог, і ўчастковы інспектар, і прадстаўнікі мясцовай улады.

«Я была сама ў гэтай сям'і. Мне вельмі спадабалася, у доме ўтульна, створаны для дзяцей усе ўмовы. Мама вельмі добразычлівая. Мясцовыя жыхары гаварылі аб гэтай сям'і добра», — кажа Вольга Шаўчэнка, старшыня сельсавета.

Каментары8

  • Адказ
    16.04.2024
    Пытанне , а чаму наогуле комусці павінны нешта "даваць"? Што за падыход такі?
  • Мыш
    16.04.2024
    Пытанне , не падобна, каб гэты дом ім далі. З чаго б, калі яны з Салігорска, гэта нават вобласць іншая. Хутчэй самі купілі, каб дзецям больш месца было, чым у кватэры, ну і паветра свежая. І такая бяда, так усіх шкада - і дзяцей, і бацькоў...
  • Догадайтесь сами
    16.04.2024
    По описанию похоже - мамы в доме не было, окна разбивала с улицы, сколько уже горел дом когда она увидела тоже не сообщают. Младенец был под присмотром «старшей» - 6 лет в доме получается и остальные дети тоже.

Прызначылі новага начальніка ДАІ

Прызначылі новага начальніка ДАІ

Усе навіны →
Усе навіны

У ДТЗ у Мінскім раёне пацярпелі пяцёра дзяцей — восем чалавек набіліся ў легкавую Audi

Акрамя немца Крыгера, да смяротнага пакарання ў постсавецкай Беларусі прысудзілі яшчэ 12 іншаземцаў. Але ёсць нюансы

У Кіеве заявілі пра стварэнне беларускага грамадскага руху «Каліноўцы». У кіраўніцтве вядомыя асобы24

Самы малады кантрактнік Расіі загінуў ва Украіне ў першым жа баі15

Кітай пастаўляе Беларусі дэталі для зброі супраць Украіны 6

Падазраваны ў падрыве аўтамабіля з расійскім ГРУшнікам паспеў вылецець з Масквы ў Турцыю2

«Расія лжэ наконт эканамічнага росту. Санкцыі працуюць, іх трэба ўзмацніць» — міністры фінансаў ЕС21

Галоўная зорка зборнай Украіны пераходзіць у іспанскі топ-клуб

Шэф-кухар. Што вядома пра расіяніна, арыштаванага ў Францыі за падрыхтоўку чагосьці жахлівага падчас Алімпіяды4

больш чытаных навін
больш лайканых навін

Прызначылі новага начальніка ДАІ

Прызначылі новага начальніка ДАІ

Галоўнае
Усе навіны →