Грамадства

Палітвязень Сяргей Спарыш скардзіцца на адсутнасць медыцынскай дапамогі

Палітвязня Сяргея Спарыша, паплечніка Міколы Статкевіча, зноў змясцілі ў магілёўскую калонію № 15, дзе ён ужо быў у пачатку года, адкуль яго накіравалі ў вязніцу ў Баранавічах, піша Радыё Свабода.

«Напісаў, што з 9-га ў Магілёве. Чаго ён гэтак часта вандруе туды-сюды, невядома. Пасля Баранавічаў зноў пабываў у калоніі пад Івацэвічамі, а цяпер зноў у Магілёве. Але адзначае, што там кормяць лепш», — паведаміла крыніца ў сярэдзіне красавіка.

Сяргей Спарыш на здароўе збольшага не наракае, але ён скардзіўся на тое, што доўгі час праз пераезды з адной калоніі ў іншую не можа вырашыць праблему з хворымі зубамі, яму не даюць медыцынскую дапамогу.

Сяргей Спарыш — намеснік старшыні незарэгістраванай партыі «Народная грамада», якую да арышту ачольваў палітвязень Мікалай Статкевіч. Як і Мікалая Статкевіча, Сяргея Спарыша арыштавалі яшчэ да прэзідэнцкіх выбараў, у чэрвені 2020 года.

У 2021 годзе Спарыша судзілі па так званай справе тэлеграм-каналу «Армия с народом» і прызналі вінаватым паводле трох артыкулаў Крымінальнага кодэкса, у тым ліку 191-га (перашкаджэнне ажыццяўленню выбарчых правоў). Сяргей Спарыш быў асуджаны да 6 гадоў зняволення.

Сваёй віны ні па адным з абвінавачанняў Сяргей Спарыш не прызнаў, беларускія праваабаронцы прызналі яго палітвязнем.

Першую палову тэрміну Сяргей Спарыш адбыў у ПК-22 пад Івацэвічамі.

Каментары

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю

Усе навіны →
Усе навіны

Вячорка: Лукашэнка абвесціць дату сваіх выбараў, толькі калі скончацца амерыканскія5

Памёр мастак Валерый Чайка. Ён афармляў мінскае метро

Зяленскі пра заяву Буданава пра наступ Расіі з поўначы: Яго не так зразумелі1

Ральф Шумахер здзейсніў камінг-аўт16

Якімі будуць выбары 2025 года? Разважаюць Вячорка, Латушка і Шрайбман51

Як выглядае чарга па ваду ў Мазыры6

Яшчэ адна ахвяра ўрагану: у Светлагорску дрэва забіла 90-гадовага мужчыну

Украінцаў спыталі, ці прыйшоў час пачынаць перамовы з Расіяй — вынікі сацапытання1

«Паспелі развітацца з жыццём». Відавочцы расказалі пра смяротны ўраган на Вілейскім вадасховішчы5

больш чытаных навін
больш лайканых навін

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю

Галоўнае
Усе навіны →