Свет44

Расійскія тэлеканалы ігнаруюць 75-годдзе Алы Пугачовай

У 2019 годзе на 70-гадовы юбілей спявачкі расійскія каналы выпускалі святочныя канцэрты. Цяпер — маўчанне.

Ала Пугачова. Фота: сацсеткі

Спявачка адзначае 75-гадовы юбілей 15 красавіка, але ў сетку вяшчання расійскіх тэлеканалаў не ўключаны святочныя праграмы ў яе гонар, вынікае з раскладу праграм на анлайн-платформе «Смотрим», заўважылі «Ведомості».

У 2019 годзе расійскія каналы ў 70-гадовы юбілей спявачкі выпускалі святочныя канцэрты, прысвечаныя Пугачовай. 14 красавіка 2019 года на Першым канале паказалі канцэрт «Падарунак для Алы», тэлеканал «Расія 1» у сваю чаргу трансліраваў віншаванне «З днём нараджэння, Ала!».

27 сакавіка 2024 года кіраўнік Федэральнага праекта па бяспецы і барацьбе з карупцыяй Віталь Барадзін у тэлеграм-канале напісаў, што ў адказ на ягоны запыт у Генпракуратуры пачалася працэдура прызнання Пугачовай замежным агентам.

***

Ала Пугачова з дзецьмі пакінула Расію ўвосень 2022 года, калі яе мужа Максіма Галкіна ўнеслі ў рэестр замежных агентаў. Пасля гэтага Ала Пугачова папрасіла дадаць яе ў шэрагі «замежных агентаў» услед за мужам.

Яна напісала, што салідарная з ім, у прыватнасці, у тым, што ён жадае спынення «гібелі нашых хлопцаў за ілюзорныя мэты, якія робяць нашу краіну ізгоем і ўскладняюць жыццё нашым грамадзянам».

Пугачова прыязджала ў маі 2023 года ў Маскву на пахаванне свайго сябра, дызайнера яе сцэнічных касцюмаў, мадэльера Валянціна Юдашкіна, але потым пакінула Расію.

У пачатку сакавіка Ала Пугачова апублікавала допіс, які палічылі прысвечаным Аляксею Навальнаму.

«Першая нядзеля вясны. Свята жоўтых кветак. Не здавайцеся! Не падайце духам! Мір вашаму дому», — напісала яна.

«Не здавайцеся», — так адказаў Аляксей Навальны на пытанне, якія б словы ён пакінуў расіянам на выпадак, калі яго заб’юць.

Каментары4

  • Ядвига
    15.04.2024
    Я, уверена, ей это и не надо. Будет она с высоты своего таланта обращать внимание на эту крысиную возню
  • Янка
    15.04.2024
    Ядвига, той самы выпадака калі сапраўднай народнай артыстке мядалькі і граматы ад рэжыма не патрэбныя
  • Tak
    15.04.2024
    Навошта ў беларускім СМІ ўвесь час пісаць пра расейскія зрокі?

Байдэн выходзіць з прэзідэнцкай гонкі46

Байдэн выходзіць з прэзідэнцкай гонкі

Усе навіны →
Усе навіны

Прарасійская актывістка абурылася, што не можа апублікаваць фота з бел-чырвона-белым сцягам5

На Растоўскай АЭС адбыўся выбух і Расію накрыла хваля радыяцыі? Паспрабавалі разабрацца1

Іван Краўцоў трэці раз запар стаў сакратаром Каардынацыйнай рады40

Следам за краснадарцамі выйшлі патрабаваць электрычнасці і жыхары Анапы1

«25 літраў за 2 гадзіны». Грыбныя трафеі з лясоў сталі больш разнастайнымі3

«Мінскія Патрыкі? Не, Бікіні Ботам». Найлепшыя твіты тыдня4

З'явілася ФОТА з суда над Рыка Крыгерам

Замест СМС — выццё сірэн. МНС хоча памяняць сістэму апавяшчэння падчас непагадзі2

Олаф Шольц дагэтуль глядзіць лямпавы тэлевізар6

больш чытаных навін
больш лайканых навін

Байдэн выходзіць з прэзідэнцкай гонкі46

Байдэн выходзіць з прэзідэнцкай гонкі

Галоўнае
Усе навіны →