Трох жыхароў Жлобіна затрымалі сілавікі. Затрыманні праводзіў мясцовы АМАП, а таксама атрад спецпрызначэння «Буран».
Скрыншот відэа: канал сілавікоў
Блізкі да сілавікоў тэлеграм-канал паказаў відэа з трыма затрыманымі мужчынамі. Адзін з іх — работнік А1, другі — БМЗ, трэці — «Аграстыля». Яны кажуць, што ўдзельнічалі ў пратэстах у 2020 годзе.
Канал сілавікоў назваў рэйд «канвеерам правасуддзя». У роліку можна заўважыць пазыўныя спецназаўцаў — на шлемах у сілавікоў напісана «Туз», «Музыка» і «Баця».
Каментары