Пакуль абмежаванні дзейнічаюць да 1 кастрычніка.
Літоўскі ўрад прапануе на неабмежаваны час працягнуць забарону на рэтрансляцыю беларускіх і расійскіх тэле– і радыёканалаў.
Папраўка, прапанаваная Міністэрствам культуры, прадугледжвае, што абмежаванні ў дачыненні да беларускага і расійскага тэлебачання будуць дзейнічаць датуль, пакуль у Нацыянальнай стратэгіі бяспекі Расія і Беларусь не перастануць лічыцца краінамі, якія ўяўляюць небяспеку і пагрозу для Літвы, паведамляе Delfi.
Пасля ўхвалення папраўкі ва ўрадзе законапраект будзе ўнесены ў парламент.
Забарона на рэтрансляцыю і распаўсюд у інтэрнэце радыё– і тэлепраграм кампаній, якія кантралююцца або фінансуюцца Беларуссю альбо Расіяй, была падоўжаная ў верасні 2023 года. Абмежаванні не тычацца каналаў, якія распаўсюджваюцца Еўрасаюзам.
Такімі мерамі ўрад Літвы змагаецца з распаўсюджваннем інфармацыі і дэзынфармацыі, якая можа пагражаць нацыянальнай бяспецы краіны.
Мінінфарм заблакаваў у Беларусі шэраг СМІ краін Балтыі
Мінінфарм асудзіў блакіроўку беларускіх СМІ, але гэта не тое, пра што вы падумалі
У Латвіі заблакавалі сайты «Саўбелкі» і АНТ
«Чужыя каштоўнасці і прыярытэты ўкладаюцца ў неакрэплыя розумы». Віцэ-прэм'ер даручыў Мінінфарму змагацца з блогерамі
Віцэ-прэм'ер Петрышэнка паставіў амбітныя задачы перад дзяржаўнымі СМІ
Каментары