Меркаванні55

«Збліжэнне пажылых людзей на фоне супольных ворагаў і супольнай адзіноты». Шрайбман пра адносіны Пуціна і Лукашэнкі

Аналітык Арцём Шрайбман разважае: Масква магла б спакойна выкруціць рукі Лукашэнку, але ёсць прычыны, чаму гэтага не адбываецца.

«Лукашэнка ведае, што ў выпадку чаго Пуцін з'есць яго і не падавіцца і Беларусь разам з ім», — лічыць Шрайбман. Фота: Getty Images

Шрайбман лічыць, што асабістыя адносіны Пуціна і Лукашэнкі сёння перажываюць пік як мінімум за апошняе дзесяцігоддзе. Пра гэта ён гаварыў у эфіры канала Carnegie Politika.

«З боку Пуціна ёсць яўны фокус на адным кірунку — украінскім, які для яго проксі ў вайне з Захадам. І ў гэтай сітуацыі з Беларуссю адносіны адбываюцца не тое каб па рэшткавым прынцыпе, але патрабавальнасць Пуціна да Беларусі, мяркуючы па ўсім, магчыма часова, але панізілася».

Шрайбман адзначае, што ў Лукашэнкі цяпер няма асаблівых праблем з атрыманнем субсідый, пра якія ён шмат прасіў у Пуціна. Пры гэтым узамен не патрабуюцца нейкія саступкі.

«Масква магла б спакойна выкруціць рукі Лукашэнку і прымусіць яго падпісаць, напрыклад, адзіную валюту, ці сапраўды паглыбіць інтэграцыю ў Саюзнай дзяржаве, ці пайсці на вайсковыя формы інтэграцыі кшталту ўступлення ў вайну. Але тым не менш гэтага нічога не адбываецца. А плынь падтрымкі ідзе. (…) І гэта не выдае нейкай наяўнасці канфлікту ці вострай спрэчкі».

Аналітык звяртае ўвагу, што Пуцін сустракаецца з Лукашэнкам часцей, чым з большасцю расійскіх чыноўнікаў. На яго думку, няма такога высокапастаўленага чыноўніка ў Расіі, які мае такія ж працяглыя і рэгулярныя аўдыенцыі ў Пуціна.

Прычыну такога стану адносін Шрайбман тлумачыць наступным чынам:

«Здаецца, адбылося некаторае такое збліжэнне пажылых людзей на фоне агульных каштоўнасцяў, агульных ворагаў і агульнай такой адзіноты ў гэтым небяспечным свеце.

І праява гэтага менавіта ў тым што, нягледзячы на тое, што Беларусь не здае нейкія незваротныя кавалкі свайго суверэнітэту, Пуцін працягвае не адмаўляць Лукашэнку ў яго просьбах па крэдытах, растэрміноўках крэдытаў, цэнніку на газ, субсідыях на нафту, зніжках на тую ж лагістыку».

Шрайбман падкрэслівае, што яму здаецца, што ў сітуацыі, калі Пуцін усё больш адчувае сябе «асаджанай крэпасцю» або «стваральнікам новага светапарадку», адносна стабільныя саюзнікі пачынаюць больш шанавацца. Лукашэнка яго адзіны саюзнік у Еўропе (калі не лічыць Орбана), і, адпаведна, яго акцыі як саюзніка ў такой сітуацыі ўзрастаюць.

У сітуацыі меншай напружанасці, калі Пуцін зможа яшчэ выйсці з сённяшняй канфрантацыі ў нешта больш кіраванае, акцыі Лукашэнкі зноў пойдуць уніз».

Другі момант, на які звяртае ўвагу аналітык, гэта недавер паміж Лукашэнкам і Пуціным з-за супрацьлегласці базавых стратэгічных інтарэсаў двух рэжымаў.

«Яны ўзаемадзейнічалі дзесяцігоддзямі. Лукашэнка ведае, што ў выпадку чаго Пуцін з'есць яго і не падавіцца і Беларусь разам з ім. І не будзе думаць пра тое, як бы яго не пакрыўдзіць. І Пуцін ведае, што як толькі будзе магчымасць, Лукашэнка ў самую першую шчыліну ўскочыць, калі там будуць яго чакаць нейкія бонусы і бенефіты».

Усведамленне таго, што адзін аднаму нельга давяраць да канца, на думку Шрайбмана, «застаецца дамоклавым мячом над гэтымі адносінамі».

Каментары5

  • Ё
    10.04.2024
    Наша Ніва, публікуйце Каца. Таксама аналітык як і Шрайбман.
  • Стук дождя
    10.04.2024
    А фотка то какая... Первое, что приходит на ум, что Вольдемар в очередной раз отымел ненаклоняемого в соседней комнате, даже брюки тот не успел толком одеть. Вышли мол, сказать, что такого не было..)))))
  • Спадар Пятро
    10.04.2024
    Ё, Каца медуза і дождж публікуе. Калі ёсць зацікаўленасць, там можаш пачытаць, а не бязглуздзіцу пісаць, абы ляпнуць

«Бл*дарусы — нацыя здраднікаў і паразітаў». Z-каналы ў шаленстве ад рашэння Лукашэнкі адвесці войскі ад Украіны25

«Бл*дарусы — нацыя здраднікаў і паразітаў». Z-каналы ў шаленстве ад рашэння Лукашэнкі адвесці войскі ад Украіны

Усе навіны →
Усе навіны

Сёння апошні дзень прыёму дакументаў у ВНУ на бюджэт. Будзе горача ў прамым і пераносных сэнсах

У Варшаве затрымалі былога палітвязня Ігара Банцара — гэта ён прыйшоў у Міністэрства сям'і са зброяй57

Таксістаў ужо пачалі штрафаваць за выкарыстанне машын у асабістых мэтах — па дзіўным артыкуле4

Байдэн назваў адзіную ўмову, пры якой адмовіцца ад прэзідэнцтва10

Аднаго з найлепшых беларускіх трэнераў па настольным тэнісе судзяць за «садзейнічанне экстрэмісцкай дзейнасці»2

Пайшоў з жыцця беларускі вынаходнік Аляксандр Длатоўскі

Паглядзіце, як прыкольна выглядае беларускі пашпарт пад ультрафіялетам13

Гэты карлікавы кот з сарамлівым выглядам стаў новай зоркай сацсетак6

У гатэлі Бангкока знойдзены мёртвымі шэсць грамадзян В'етнама1

больш чытаных навін
больш лайканых навін

«Бл*дарусы — нацыя здраднікаў і паразітаў». Z-каналы ў шаленстве ад рашэння Лукашэнкі адвесці войскі ад Украіны25

«Бл*дарусы — нацыя здраднікаў і паразітаў». Z-каналы ў шаленстве ад рашэння Лукашэнкі адвесці войскі ад Украіны

Галоўнае
Усе навіны →