Свет66

Жыхары Вязьмы даўно казалі — ён абрынецца. Што вядома пра мост, які абваліўся на Смаленшчыне

У Вязьме абрынуўся Панінскі мост, і перакрыцці ўпалі на чыгуначную магістраль, якая злучае Мінск і Маскву. У выніку абвалу загінула жанчына, якая ў гэты момант ехала па пуцеправодзе. Яшчэ некалькі чалавек пацярпелі і былі шпіталізаваныя. Гісторыя гэтага моста — наглядная ілюстрацыя таго, што бывае, калі ўлады і народ захопліваюцца ідэямі «збірання земляў» замест таго, каб дбаць пра элементарны парадак на той бяскрайняй тэрыторыі, якую яны ўжо маюць. 

Фота: Маскоўская міжрэгіянальная транспартная пракуратура

Вязьма размешчаная ў 175 кіламетрах ад Смаленска. Гэта буйны чыгуначны вузел на Беларускім напрамку Маскоўскай чыгункі. Праз Вязьму праходзіць адзіны прамы чыгуначны перагон, які злучае Брэст і Маскву. Гэты шлях актыўна выкарыстоўваецца ў тым ліку і для перавозкі вайсковых грузаў.

Панінскі мост узвялі ў 1980 годзе якраз над чыгуначнымі шляхамі. Ён злучыў стары цэнтр Вязьмы з мікрараёнамі Юбілейны і Маскоўскі, якія тады дынамічна развіваліся. Гарантыйны тэрмін скончыўся праз пяць гадоў пасля адкрыцця.

Паступова рух па мосце рабіўся ўсё больш інтэнсіўным, пуцеправод стаў найважнейшай артэрыяй на Калужскім напрамку. Знос перакрыццяў паступова павялічваўся, збудаванне старэла, але мясцовыя ўлады ўсё цягнулі з рамонтам.

Яшчэ ў 2016 годзе мясцовыя СМІ білі трывогу: Панінскі мост знаходзіцца ў аварыйным стане. На перакрыццях заўважылі расколіны, а адміністрацыя раёна атрымала ад экспертаў рэкамендацыю па рамонце моста.

Панінскі мост у 2018 годзе. Фота: «Вязьма, вчера, сегодня, завтра»

Тады ж, на фоне абрынання моста ў Амурскай вобласці (ягонае відэа сёння непрацяглы час выступала ў якасці фэйка пры паведамленнях пра аварыю ў Вязьме), мясцовыя актывісты адкрыта казалі, што Панінскі мост, мяркуючы па яго занядбаным стане, можа быць наступным.

Тэндар на рэканструкцыю аб'явілі толькі ў 2018 годзе — праз 38 гадоў пасля адкрыцця. Мясцовыя ўлады былі гатовыя выдзеліць на рамонт амаль 10 мільёнаў расійскіх рублёў, або прыкладна 165 тысяч даляраў па тагачасным курсе. Аднак аказалася, што гаворка ідзе не пра поўную рэканструкцыю моста, а толькі пра замену дарожнага палатна і касметычны рамонт.

Рамонту хапіла на некалькі месяцаў. Неўзабаве на дарозе зноў з'явіліся расколіны, іх зноў прыйшлося латаць. Наступны раз дарожнае палатно пераклалі ў 2019 годзе, выдаткаваўшы яшчэ 13 мільёнаў рублёў, ці 200 тысяч даляраў.

У 2023 годзе раённыя ўлады замовілі абследаванне моста. Ацэнку праводзіла кампанія «Геамост» — яна выйграла тэндар на суму ў 164 тысячы рублёў. Вынікі абследавання апублікаваныя не былі. Паведамлялася, што ўлады плануюць рэканструяваць мост у найбліжэйшыя гады.

Фота: Маскоўская міжрэгіянальная транспартная пракуратура

Адрамантаваць мост не паспелі: 8 красавіка перакрыцце віядука павалілася. Паводле сведчанняў відавочцаў, перад абвальваннем мост моцна гайдаўся, а затым склаўся як картачны дамок.

Мясцовыя журналісты адразу ж адкінулі версію тэракту, адзначыўшы, што мост быў у вартым жалю тэхнічным стане. Сярод магчымых прычын называюць рухомасць грунту і моцны знос бетонных канструкцый.

Каментары6

  • Каму Вязьму а крэзідэнту клізьму
    08.04.2024
    І ваапшчэ для чыво масты прыдумалі? Ента ўсё Балабама, гаіцянска-нянецкаму вярхоўнаму жрэцу (ат слова жраць) нечага дзелаць было, узяў саарудзіў енты мост. Ціпер хоць апшчэсвеннасьць спортам займецца (заадно басейны будаваць не прыйдзецца)… хочаш на той бераг за снікерсам, заплыў у труселях батэфляем. Ну мы можам скінуцца апшчэсвеннасьцю на памперсы. Карочэ: АСВОД НАШ!
  • Уокіул
    09.04.2024
    Пуцен памагі
  • Игнат
    09.04.2024
    Наша нива стала росийской нивой? Почему мы должны знать, что творится у руских?

Удзельнік апазіцыйнага руху Віталь Лухвіч выявіўся платным міліцэйскім стукачом12

Удзельнік апазіцыйнага руху Віталь Лухвіч выявіўся платным міліцэйскім стукачом

Усе навіны →
Усе навіны

«Дзеці гулялі, а змяя плавала ў лужыне». У раёне Барысава нашэсце гадзюк — камунальнікі не рэагуюць5

Перасаджвацца ў іншы аўтобус у чарзе на мяжы больш нельга? Здаецца, так3

Лукашэнка прапанаваў адсякаць рукі тым, хто крадзе ў сельскай гаспадарцы6

Акадэмія навук распрацавала інструкцыю па знішчэнні «экстрэмісцкіх» кніг у бібліятэках11

«Заснулі на Каліноўскага, прачнуліся на Машэрава». У Кобрыне за ноч прыбралі паказальнікі з прозвішчам Каліноўскі ВІДЭА2

Грамадзяніна Германіі прысудзілі ў Беларусі да расстрэлу15

Зніклага ў Польшчы беларуса знайшлі ў Варшаве збітым і без дакументаў10

«Вада пранікла ўнутр, запоўніла салон мне па пояс, рукі трэсліся». Хто тая дзяўчына з запамінальнага фота мінскага патопу3

У Беларусі пачалася перадвыбарчая агітацыя за Лукашэнку ФОТАФАКТ32

больш чытаных навін
больш лайканых навін

Удзельнік апазіцыйнага руху Віталь Лухвіч выявіўся платным міліцэйскім стукачом12

Удзельнік апазіцыйнага руху Віталь Лухвіч выявіўся платным міліцэйскім стукачом

Галоўнае
Усе навіны →