Грамадства1616

Стала вядома, дзе цяпер працуе Сяргей Румас

54-гадовага экс-прэм'ера працаўладкавала яго ўласная жонка. 

Сяргей Румас. Архіўнае фота 2018 года. Maxim Guchek/BelTA Pool Photo via AP

Пасля намёку на падтрымку руху за свабодныя выбары былы прэм'ер Беларусі Сяргей Румас праслізнуў міма турмы, але страціў у грошах і абнуліў сваю наменклатурную вагу. Не знайшоўшы за чатыры гады работы, ён пераседжвае складаныя часы на фармальнай пасадзе ў клініцы жонкі. 

Яго месца працы «Наша Ніва» заўважыла ў дакуменце расійскага ўрада. Там указваецца, што асноўнае месца працы Сяргея Румаса — дарадца таварыства з абмежаванай адказнасцю «ПрымаМед Груп».

«ПрымаМед Груп» — гэта бізнэс жонкі былога кіраўніка ўрада, Жанны Румас. Яна валодае ў Мінску невялікім медыцынскім цэнтрам Proud Clinic.

Сяргей Румас не мае медыцынскай адукацыі, але ён фінансіст з вялікім досведам, чыім кампетэнцыям відавочна цеснавата ў сціплым сямейным медцэнтры.

Гэта паказвае, што іншай работы Румас у Беларусі знайсці проста не можа.

Звесткі пра яго жыццё ў цэлым абрыўкавыя. 

Пасля намёку на падтрымку пратэстаў у 2020-м ён трапіў у няласку. Хадзіла інфармацыя пра крымінальную справу, якая была скіраваная супраць яго. Нейкі час ён правёў не ў Беларусі, пасля вярнуўся.

Масква дала былому прэм'еру сінекуру ў назіральнай радзе расійскага «Рассельгасбанка». У чарговым распараджэнні расійскага ўрада, звязаным з фарміраваннем гэтай рады, мы і пабачылі звесткі пра «асноўную працу» прэм'ера-рэфарматара. 

Чытайце таксама: Стала вядома, дзе знаходзіцца Сяргей Румас і ў чым сэнс прэтэнзій да яго

«Нашай Ніве» вядома, што Румас спрабаваў уладкавацца на пазіцыі, адпаведныя яго кампетэнцыі, у Вялікабрытаніі і Расіі, але без поспеху. 

Знаходжанне Румаса ў назіральнай радзе Расійскага сельскагаспадарчага банка не варта ўспрымаць як надзейную крыніцу прыбытка.

Сябры назіральнай рады ў тэорыі пакліканы правяраць дзейнасць кіраўнікоў арганізацыі ў інтарэсах акцыянераў, аналізаваць і даваць рэкамендацыі, як гэтую дзейнасць палепшыць.

Ставак аплаты на такой пасадзе не вызначана, і грошы, як правіла, атрымліваюць тыя, у каго лепшыя адносіны з акцыянерамі — у дадзеным выпадку з расійскай дзяржавай.

Сяргей Румас — самая значная фігура, якая аказалася за мяжой і ў няласцы ў разгар супрацьстаяння Аляксандра Лукашэнкі з беларускім грамадствам. Але да апазіцыі Румас не далучыўся. Яму ўдалося дамовіцца, вярнуцца на радзіму і захаваць свабоду. Але ў сістэму ён дагэтуль не рэінтэграваўся.

@nashanivanews Дзе цяпер працуе прэм’ер-міністр, які збягаў у Англію ад КДБ? #беларусь #работаминск #новостибеларуси #белорусы #беларускаямова #чиновник #лукашенко #маякраінабеларусь #жывебеларусь #беларусь2020 #нашаніва ♬ Crime Scene - Avery Alexander

Каментары16

  • без имени
    09.04.2024
    Пример того, как "журналистам" не следовало громко хайповать, намекать на возможное наличие совести у человека и тем самым науськивать на него шоблу бессовестных. Пора понять, что такая журналистика в концлагере даёт совсем другие результаты.
  • прэм'ер а упалаўскага
    09.04.2024
    і во гэта во быў прэм'ер? "але ён фінансіст з вялікім досведам"...
    прыкідваю, што было б з маёй любімай Беларусечкай, атрымай Пал Палыч пОртфель прэм'ера, які ён так хацеў...
  • Х
    09.04.2024
    Ну и дурак

Што вядома пра грамадзяніна Германіі Рыка Крыгера, якому ў Беларусі прысудзілі расстрэл24

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Усе навіны →
Усе навіны

Ціханоўская сустрэлася з прэзідэнтам Сербіі Вучычам3

Чарга легкавых аўто на ўезд у Польшчу з Беларусі павялічылася ў чатыры разы5

Юрый Чыж пайшоў у расійскі суд, каб пазмагацца за свой малаказавод у Геленджыку

Як трансгендар абваліў продажы самага папулярнага амерыканскага піва15

Ілан Маск жорстка высмеяў Microsoft за глабальны IT-збой5

Святлана Ціханоўская сустрэлася з Віктарам Орбанам23

Не рабіце гэтую памылку ў захоўванні хлеба5

Назіраецца маштабны збой электронікі па ўсім свеце. Аэрапорты адмяняюць палёты13

Калабаранты з Запарожскай вобласці выдаюць сустрэчу з прамаскоўскім беларускім актывістам Лушчом за афіцыйны візіт1

больш чытаных навін
больш лайканых навін

Што вядома пра грамадзяніна Германіі Рыка Крыгера, якому ў Беларусі прысудзілі расстрэл24

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Галоўнае
Усе навіны →