Свет3434

Паплечнік Фіца выйграў прэзідэнцкія выбары ў Славакіі. Ён супраць вайсковай дапамогі Украіне

Спікер парламента і лідар партыі «Голас — сацыяльная дэмакратыя» Петэр Пелегрыні перамог на прэзідэнцкіх выбарах у Славакіі, умацаваўшы ўладу прэмʼер-міністра Роберта Фіца.

Петэр Пелегрыні. Фота: Zuzana Gogova / Getty Images

Пелегрыні набраў 53,12% галасоў супраць 46,87% у правацэнтрысцкага кандыдата Івана Корчака (паводле вынікаў падліку 100% галасоў). 

Фіца, які прыйшоў да ўлады чацвёрты раз у кастрычніку, павярнуў замежную палітыку краіны ў бок больш прарасійскіх поглядаў і ініцыяваў рэформы крымінальнага заканадаўства і СМІ, што выклікала занепакоенасць з нагоды паслаблення вяршэнства закона, піша BBC.

У Славакіі галоўная выканаўчая ўлада належыць прэмʼеру, але прэзідэнт можа накладаць вета на законы і аспрэчваць іх у Канстытуцыйным судзе. Прэзідэнт таксама прызначае суддзяў Канстытуцыйнага суда, што можа адыграць важную ролю ў выпадку аспрэчванні рэформаў Фіца. 

Кааліцыя Фіца, у якую ўваходзіць партыя, якую ўзначальвае Пелегрыні, спыніла пастаўкі славацкай зброі ва Украіну, а Фіца крытыкаваў пазіцыю Захаду ў дачыненні да вайны, якую вядзе Расія. 

«Я буду прэзідэнтам, які будзе падтрымліваць урад у яго намаганнях па паляпшэнні жыцця людзей, — заявіў Пелегрыні ў сваім перадвыбарным штабе. — Я зраблю ўсё, каб Славакія назаўжды засталася на баку міру, а не на баку вайны».

Пелегрыні сцвярджаў, што яго супернік на выбарах лічыць магчымым увод славацкіх войскаў для дапамогі Украіне, Корчак гэта адмаўляў. Пераможца выбараў заявіў, што не будзе спяшацца з фундаментальнымі зменамі ў знешняй палітыцы. «Як і іншы кандыдат, я гарантую, што мы працягнем заставацца моцным членам ЕС і НАТА», — сказаў ён пасля галасавання.

Корчак прызнаў паразу і павіншаваў Пелегрыні, але пры гэтым паабяцаў не забыцца на тое, як супернік ператварыў яго ў «кандыдата вайны». Вырашальным фактарам на выбарах, на яго думку, стаў страх.

Корчак падчас кампаніі заяўляў, што спыненне вайсковых паставак Украіне прывядзе не да міру, а да перамогі Расіі. Раней ён быў прадстаўніком Славакіі ў ЕС і паслом у ЗША, а затым займаў пасаду міністра замежных спраў.

Пелегрыні — даўні саюзнік Фіца, але больш умераны. Разам з Фіца восенню ён удзельнічаў у фармаванні ўрада.

Каментары34

  • Жыццё
    07.04.2024
    Пры Трампе усе гэтыя пігмеі рэзка стануць гарачымі прыхільнікамі дапамогі Украіне.
  • Вайна
    07.04.2024
    Не даюць зброю зараз, аддадуць жыццё і свабоду пазней. На баку міру ён застацца вырашыў... Заплаціць яшчэ Еўропа за тое што д**у ў цяпле вырашыла трымаць падчас вайны
  • Трампіст
    07.04.2024
    Жыццё , аднаму Трампу будзе вельмі цяжка ачысціць увесь бруд Аўгіевых канюшэн ЕСа.
    Але трэба спрабаваць нешта змяніць, бо свету будзе гаплык !

Дар‘я Лосік выйшла на свабоду па памілаванні16

Дар‘я Лосік выйшла на свабоду па памілаванні

Усе навіны →
Усе навіны

Паўла Латушку выклікалі ў польскую пракуратуру2

Расійскі вайсковец, якога нібыта сёння ўзарвалі ў Маскве: Я жывы, сяджу на працы

Спевака — пастаяннага ўдзельніка афіцыйных канцэртаў — будуць судзіць за пратэсты1

Сярэдні заробак у чэрвені вырас на 50 рублёў, але наколькі ён адлюстроўвае рэальную сітуацыю?

Дзікавіцкі: Каманда «Белсата» амаль не мае ніякага ўплыву на сітуацыю3

Стрыжак тлумачыць, чаму супраць перамоваў з лукашэнкаўцамі і якая яго прапанова1

Сталі вядомыя падрабязнасці сустрэчы Дуды і Сі Цзіньпіна наконт рэжыму Лукашэнкі

На таргах у Мінску даляр з салідным запасам рухнуў да гадавога мініміму1

«Падрыхтоўка да Алімпіяды прайшла не так, як планавала». Ціманоўская расказала, з якім настроем едзе ў Парыж7

больш чытаных навін
больш лайканых навін

Дар‘я Лосік выйшла на свабоду па памілаванні16

Дар‘я Лосік выйшла на свабоду па памілаванні

Галоўнае
Усе навіны →