Свет33

У Расіі затрымалі дысідэнта, якога Пуцін пераследаваў яшчэ ў СССР

Суд у Санкт-Пецярбургу арыштаваў Аляксандра Скобава нібыта за апраўданне тэрарызму.

Аляксандр Скобаў. Фота: Медыязона

66-гадовы дысідэнт быў затрыманы 2 красавіка дома ў свайго сябра. Нагодай стаў адзін з пастоў Скобава пра падрыў Крымскага моста. Пры гэтым адвакату не ўдалося даведацца, якое менавіта паведамленне выклікала цікавасць у сілавікоў. Калінінскі раённы суд Санкт-Пецярбурга арыштаваў дысідэнта да 1 чэрвеня. Падчас пасяджэння мужчына пракрычаў «Свабоду Украіне!» і адмовіўся адказваць на пытанні суда.

Аляксандр Скобаў пераследаваўся ўладамі за палітыку яшчэ ў СССР. Яго двойчы арыштоўвалі за «антысавецкую агітацыю». Цяпер высветлілася, што справамі, фігурантам якіх быў Скобаў, займаўся ў тым ліку супрацоўнік КДБ Уладзімір Пуцін — будучы прэзідэнт Расіі. Пра гэта расказаў член рады «Мемарыяла» Аляксандр Чаркасаў, ягоныя словы пацвердзілі іншыя дысідэнты, паведамляе «Агентство».

У 1978 годзе Скобава арыштавалі за ўдзел у арганізацыі «Левая апазіцыя» і выпуск часопіса «Перспективы» самвыдатам. Па той жа справе праходзілі дысідэнты Андрэй Рэзнікаў і Аркадзь Цуркоў. Скобаў правёў паўгода ў следчай турме КДБ, а затым яго на тры гады адправілі ў псіхіятрычную лякарню.

Справу супраць дысідэнтаў вяло Пятае ўпраўленне КДБ, якое адказвала за барацьбу з «ідэалагічнымі дыверсіямі». Менавіта ў той час ва ўпраўленні працаваў Пуцін. У ягонай афіцыйнай біяграфіі гэты факт не пазначаны. Аднак вядома, што ў 1976 годзе Пуцін удзельнічаў у ператрусе па справе аб антысавецкім надпісе на сцяне Петрапаўлаўскай крэпасці. У 1978 годзе будучы расійскі прэзідэнт удзельнічаў у затрыманні Андрэя Рэзнікава — пра гэта ўспамінаў сам дысідэнт.

Пратакол ператрусу з прозвішчам Пуціна. Фота: Агентство

У 1981 годзе Скобаў выйшаў з псіхіятрычнай лякарні і заняўся стварэннем незалежнага прафсаюза. У снежні 1982-га яго зноў затрымалі. Незадоўга да гэтага Аляксандр адсвяткаваў дзень нараджэння, у госці прыйшлі многія дысідэнты. Скобаў успамінаў, што знешняе назіранне за святкаваннем рабіў Уладзімір Пуцін.

Каментары3

  • Ельчик
    06.04.2024
    Коммунист Ельцин нашёл себе достойную замену из стаи кгбэшных сволочей.
  • Спадар
    06.04.2024
    "бледная моль" заўсёды будзе "бледная моль"!
  • !
    06.04.2024
    У 1981 годзе Скобаў выйшаў з псіхіятрычнай лякарні і заняўся стварэннем незалежнага прафсаюза.
    Вот это целеустремленность. Мелкой шпане-шестерке из подворотни никогда не допрыгнуть даже ему до пупка. Даже заняв пост президента.

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Усе навіны →
Усе навіны

Святлана Ціханоўская сустрэлася з Эмануэлем Макронам10

Экс-прэм'ер Сяргей Румас з'явіўся на пахаванні Вергеенкі ФОТАФАКТ6

Рыжанкоў: У мяне і бабуля, і мама былі чыстымі полькамі52

Пуцін прапанаваў Ірану рэкордныя аб'ёмы расійскага газу са зніжкай 75%4

Лідар чэмпіянату Беларусі вылецеў з нятопавага еўракубка ўжо на першай стадыі кваліфікацыі

У Пінску пенсіянер уцякаў з месца ўчыненага ім наезду і па дарозе падбіў яшчэ дзве машыны

Вядомы блогер набыў кватэру ў Польшчы — вось як гэта ў яго атрымалася20

Байдэн можа выйсці з выбарнай гонкі ўжо на гэтыя выхадныя12

Мінскі хірург выдаў зборнік эстэцкай прозы. Так па-беларуску раней не пісалі

больш чытаных навін
больш лайканых навін

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Галоўнае
Усе навіны →