Грамадства1414

Польшча абвінаваціла ўлады Беларусі ў чэргах на мяжы

Памежная ахова Польшчы прызнала больш пільны надгляд падарожнікаў на мяжы з Беларуссю і растлумачыла гэта «пагрозамі нелегальнай міграцыі», праз якія службоўцаў з пункту ў Тэрэспалі перакідваюць на стрымліванне мігрантаў у лясах. Пра гэта ведамства паведаміла «Белсату».

Аўтобусы ў пункце пропуску «Варшаўскі мост — Тэрэспаль». 5 красавіка 2024 года. Фота: «Варшавка Граница Брест-Тересполь» / Telegram

«Белсат» скіраваў запыт у Памежную ахову Польшчы 3 красавіка, калі ў Брэсце ўтварылася чарга з 370 легкавікоў і 38 аўтобусаў. У чатах, дзе падарожнікі абмяркоўваюць мінанне мяжы, абражалі польскіх службоўцаў, наракаючы, што тыя марудна працуюць і не адкрываюць усіх каналаў у тэрмінале.

Тады таксама з’явілася неафіцыйная інфармацыя, што на польскім баку службоўцы не спяшаюцца і занадта пільна ўсіх і ўсё правяраюць, бо памежнікі злавілі мігранта, які трапіў на тэрыторыю суседняй краіны з Беларусі.

Спікер Надбужанскага аддзела Памежнай аховы Польшчы, які кіруе пунктам пропуску ў Тэрэспалі, Дар’юш Сеніцкі ў каментары «Белсату» пацвердзіў, што міграцыйны крызіс, за які адказныя ўлады Беларусі, адбіваецца на хуткасці афармлення падарожнікаў:

«Раптоўныя, непрадбачаныя падзеі, што нясуць прыкметы недатыкальнасці дзяржаўнай мяжы, якія ўзнікаюць у выніку міграцыйнага ціску на польска-беларускай мяжы, могуць абумовіць неабходнасць прыняцця дынамічных і рашучых захадаў. Гэтыя захады прадугледжваюць перасоўванне наяўных асабовых рэсурсаў супрацоўнікаў ад памежных правяранняў для аховы дзяржаўнай мяжы на месцах так званай зялёнай мяжы».

Сеніцкі папракнуў беларускіх калегаў у «недастатковай ахове дзяржаўнай мяжы»:

«У звязку з недастатковай аховай дзяржаўнай мяжы на беларускім баку мы таксама абавязаныя ладзіць больш дэталёвы кантроль асобаў, якія ўязджаюць у Польшчу — аж да часу, пакуль не знікне рэальная пагроза нелегальнай міграцыі. Рэалізацыя гэтых захадаў у ахове дзяржаўнай мяжы ёсць адказам на часовыя пагрозы нелегальнай міграцыі».

Адначасова прадстаўнік Надбужанскага аддзела Памежнай аховы Польшчы запэўніў, што ў тэрэспальскім пункце «адэкватна выкарыстоўваюць наяўную інфраструктуру», а ў прыярытэтным парадку там афармляюцца менавіта аўтобусы.

Паводле Дзяржаўнага памежнага камітэта Беларусі, на момант публікацыі ў чарзе на выезд у Польшчу — 250 легкавых аўто і 35 аўтобусаў. З таго боку на заезд у нашую краіну чэргаў няма.

Каментары14

  • ром
    05.04.2024
    тупыя это не абраза,,, а просто факт)) воспринимайте спокойно)
  • Хуч
    05.04.2024
    Жора, трэба чым хутчэй пазбыцца зладзея лукашэнкі і ўвесьці памежны кантроль на мяжы з расеяй. Тады ўсё стане на свае мейсцы. Паступова адкрыюцца памежныя пункты й ня будзе такога хаосу. Ўсё вельмі проста.
  • Зоя
    05.04.2024
    ром, не нясі хрэнь, лукабот.

Месяцы карцару і два з паловай гады без сонца. Як малады мінчук прайшоў праз калонію і крытую турму

Месяцы карцару і два з паловай гады без сонца. Як малады мінчук прайшоў праз калонію і крытую турму

Усе навіны →
Усе навіны

Абноўлены «Белсат» спыніць вяшчанне праз спадарожнік?13

З міжнароднай версіі «Яндэкс Картаў» прыбралі беларускую мову9

У цэнтры Мінска з'явілася астуджальная арка ВІДЭА

Пад Масквой разбіўся пасажырскі самалёт Sukhoi Superjet-1009

Мінулая ноч у Мінску была «агурковай». Гэта як?2

Джэніфер Лопес і Бэн Афлек выставілі на продаж шыкоўны асабняк у Беверлі-Хілз ФОТЫ1

Вядомы беларускі арбітр апынуўся за кратамі за стварэнне «экстрэмісцкага» чата1

Расіянін сярод белага дня зладзіў дрыфт на праспекце Пераможцаў. ДАІ яго знайшла і прымусіла выбачацца2

«Фактар ​​Свіфт». Амерыканская грамадскасць чакае заявы Тэйлар Свіфт наконт Байдэна4

больш чытаных навін
больш лайканых навін

Месяцы карцару і два з паловай гады без сонца. Як малады мінчук прайшоў праз калонію і крытую турму

Месяцы карцару і два з паловай гады без сонца. Як малады мінчук прайшоў праз калонію і крытую турму

Галоўнае
Усе навіны →