Дзяржкантроль у красавіку на сваім сайце збірае скаргі на дарогі
Праінфармаваць аб недахопах на трасах і аўтадарогах агульнага карыстання можна праз анлайн-панэль «Паведаміць аб праблемах з аўтамабільнымі дарогамі», якая размешчана на інтэрнэт-сайце Камітэта дзяржкантролю. Інфармацыя будзе прымацца цягам красавіка.
Для гэтага неабходна запоўніць адпаведную форму з указаннем прыкладнага месцазнаходжання праблемнага ўчастку, сутнасці праблемы (ямы, дэфекты пакрыцця, адсутнасць разметкі і інш.), прымацаваўшы фота ці відэа праблемнага ўчастку. У КДК кажуць, што паведамленні будуць вывучацца толькі пры абавязковым запаўненні гэтых пазіцый.
Месяц таму Аляксандр Лукашэнка паставіў задачу да 9 мая аднавіць дарогі ў краіне.
У ліпені 2023 года ён загадваў да канца таго года прывесці ў парадак усе дарогі.
Каментары