Вайна55

Украінцы адбілі пад Аўдзееўкай адну з самых буйных танкавых атак за ўвесь час вайны ФОТА

Расійскія войскі здзейснілі спробу танкавай атакі, якая скончылася для іх значнымі стратамі.

Destroyed Russian equipment near Avdeevka Уничтоженная российская техника под Авдеявкой Разбітая расійская тэхніка пад Аўдзеяўкай
Знішчаная расійская тэхніка пад Аўдзееўкай. Фота: Airborne1126 / Telegram

Здымак з дрона, на якім бачныя 17 адзінак знішчанай (або пашкоджанай і кінутай) расійскай тэхнікі, апублікавала ў сваім канале ў тэлеграме 25-я асобная Сечаслаўская паветрана-дэсантная брыгада ВСУ.

Як паведамляе Інстытут вывучэння вайны (ISW) 30 сакавіка Узброеныя сілы Украіны, падобна, адбілі маштабную механізаваную атаку колькасцю да батальёна БТР і танкаў у раёне населенага пункта Тоненькае на захад ад Аўдзееўкі Данецкай вобласці.

ISW адзначае, што гэта была першая механізаваная атака расійскай арміі на ўзроўні батальёна ў ваколіцах Аўдзееўкі за апошнія паўгода.

Ваенны аналітык Ян Мацвееў звярнуў увагу на вялізны працэнт танкаў, якія склалі тры чвэрці ўсёй ваеннай тэхнікі. Паводле яго слоў, звычайна выкарыстоўваюць 1-2 танкі на чале калоны, далей ідуць БМП і БТР як транспарт для пяхоты. А тут у наступ былі накіраваны мінімум 36 танкаў і 12 БМП.

Паведамляецца, што ўкраінскія сілы падчас штурму знішчылі 12 расійскіх танкаў і восем БМП, а лабавая атака не змагла прарваць украінскую лінію абароны.

Адбіць атаку атрымалася дзякуючы загадзя ўсталяваным мінам і камбінацыі артылерыйскага агню з ударамі FPV-дронамі.

Расійскі ваенкар Юрый Кацянок прычыну значных страт бачыць у непісьменным камандаванні:

«Бяда, калі галоўным стымулам з'яўляецца мара пра генеральскае званне, а ўсё астатняе, у тым ліку зберажэнне людзей, адыходзіць на задні план. Ні на адной вайне нельга мінныя палі размініраваць падраздзяленнямі».

ISW адзначае, што гэта першае паведамленне аб прыцягненні падраздзяленняў 90-й танкавай дывізіі да штурмаў пасля захопу Аўдзееўкі, якія разам з іншымі расійскімі падраздзяленнямі і спалучэннямі, верагодна, уяўляюць значным аператыўным рэзервам. Іх выкарыстанне можа сведчыць пра намер расійскага камандавання працягваць і актывізаваць намаганні наступаць на захад ад Аўдзееўкі.

З іншага боку, правал атакі можа сведчыць, што падраздзяленні аператыўнага рэзерву Расіі ў раёне Аўдзееўкі могуць быць занадта дэградаванымі або па іншых прычынах няздольнымі ўзначаліць далейшае прасоўванне ў кароткатэрміновай перспектыве.

Як адзначае Forbes, тое, што ўкраінцы змаглі перамагчы такія буйныя і добра ўзброеныя расійскія сілы, сведчыць, што нягледзячы на недахоп асноўных боепрыпасаў украінскія брыгады па-ранейшаму здольныя арганізаваць жорсткую абарону — часта з выкарыстаннем камбінацыі мін, артылерыі, супрацьтанкавых ракет і FPV-дронаў.

Чытайце яшчэ:

«16 тысяч беззваротных страт». Аўдзееўка вачыма расійскіх ваенкараў

Зяленскі: Украінскім войскам удалося стрымаць расійскі наступ

ЗША збіраюцца пераняць украінскі вопыт выяўлення дронаў

Каментары5

  • Нічога дзіўнага
    01.04.2024
    Лукaшэнка заявіў, што ўкраінцы знясуць галаву любому.
  • А-ля Курская бітва
    01.04.2024
    Крамлёўскія ваякі ўсё яшчэ кіруюцца догмамі савецкіх маршалаў Другой сусветнай. То мясам спрабуюць фронт перарываць, то бранетанкавым кулаком.
  • Mikołaj z Lublina
    01.04.2024
    Za ostatni rok, Nasza Niwa stała się ukraińską media. O protestach rolników nic, strajk na granicy nic, o Wielkanocy też praktycznie nic! Hańba!

Вось чаму ў Кітаі могуць прыслухоўвацца да Польшчы12

Вось чаму ў Кітаі могуць прыслухоўвацца да Польшчы

Усе навіны →
Усе навіны

Сілавікі ў Брэсце затрымалі дырэктара кампаніі за ўдзел у пратэстах у жніўні 2020 года

У Мінску з-за патопу закрылі станцыю метро «Парк Чалюскінцаў» ВІДЭА

«У Беларусі маю музыку рэкламавала КДБ, а ў Польшчы — паліцыя». Банцар пракаментаваў сваё затрыманне ў Варшаве8

Літва развярнула на мяжы больш за 20 машын з Беларусі — у тым ліку з грамадзянкай Літвы за рулём4

Амерыканец у 14 гадоў стаў самым маладым футбалістам у гісторыі Амерыканскай футбольнай лігі

«Рыхтуюцца да вайны, а генератары не ў стане купіць». Што расказваюць пра сітуацыю ў Мазыры мясцовыя жыхары3

Зямля ўвайшла ў метэорны паток Персеідаў. Дзе і калі пабачыць гэту незямную прыгажосць?

Прэс-сакратар польскага МЗС пра адносіны з Беларуссю: Чакаем першага рэальнага кроку з беларускага боку8

У мінскім парку Чалюскінцаў забаранілі ездзіць на шэрынгавых электрасамакатах

больш чытаных навін
больш лайканых навін

Вось чаму ў Кітаі могуць прыслухоўвацца да Польшчы12

Вось чаму ў Кітаі могуць прыслухоўвацца да Польшчы

Галоўнае
Усе навіны →