Свет33

Апазіцыя перамагае на муніцыпальных выбарах у Турцыі

На выбарах мэраў Стамбула, Анкары і Ізміра, па папярэдніх падліках галасоў, перамагаюць апазіцыйныя кандыдаты.

 Мэр Анкары і кандыдат ад Рэспубліканскай народнай партыі (CHP) Мансур Яваш вітае прыхільнікаў у Анкары, Турцыя, 31 сакавіка 2024 г. Фота: AP Photo / Ali Unal

Кандыдаты ад апазіцыйнай Народна-рэспубліканскай партыі (НРП) лідзіруюць на выбарах мэраў у ключавых гарадах Турцыі, уключаючы Стамбул, Анкару і Ізмір. Пра гэта паведамляюць СМІ са спасылкай на папярэднія вынікі галасавання, якое прайшло ў нядзелю, 31 сакавіка. 

Мэр Стамбула, які ўваходзіць у апазіцыю, Экрэм Імамаглу набірае 51,09% галасоў пасля падліку 99,98% бюлетэняў. На другім месцы кандыдат ад кіруючай Партыі справядлівасці і развіцця (ПСР) Мурат Курум з 39,6%. 

У Анкары таксама лідзіруе дзейны мэр, апазіцыянер Мансур Яваш, у яго 60,35% галасоў пасля апрацоўкі 99,93% бюлетэняў. Яго асноўны супернік, прадстаўнік ПСР Тургут Алтынак набірае 31,7 працэнта. 

На выбарах у Ізміры пасля апрацоўкі 99,7% бюлетэняў першае месца займае прадстаўнік апазіцыі Джэміль Тугай з 48,9%. У выпадку перамогі ён зменіць на пасадзе мэра горада свайго аднапартыйца. Кандыдат ад ПСР Хамза Даг набірае 37,07% галасоў. 

Кандыдаты ад НРП, да якой належаць Імамаглу, Яваш і Тугай, папярэдне, лідзіруюць больш як у 20 правінцыях па краіне. Яўка выбаршчыкаў на муніцыпальных выбарах у Турцыі склала 78,4 працэнта. 

Нягледзячы на тое, што муніцыпальныя выбары ў большасці краін рэдка аказваюць уплыў на ўнутрыпалітычныя працэсы, вынік бітвы за Анкару і асабліва Стамбул будзе мець вырашальнае значэнне для будучыні ўсёй Турцыі. 

Палітычная карʼера самога прэзідэнта краіны Рэджэпа Таіпа Эрдагана пачалася з яго абрання мэрам гэтага горада ў 1994 годзе, і ў 2019-м палітык казаў: «Той, хто выйграе Стамбул, выйграе ўсю Турцыю». 

Рэджэп Таіп Эрдаган заявіў, што яго Партыя справядлівасці і развіцця не атрымала на муніцыпальных выбарах у Турцыі таго выніку, на які спадзявалася. Эрдаган паабяцаў «не грэбаваць рашэннем народа», а таксама прыняць неабходныя меры ў рэгіёнах, дзе партыя прайграла.

Каментары3

  • Gorliwy Litwin
    01.04.2024
    Гарацкія няшчыркі, манкурты! Ідуць супраць волі Шчырай Этнавясковай большасці.
  • Вадзім
    01.04.2024
    Gorliwy Litwin , што за трызьненне... 🤮
  • Gorliwy Litwin
    01.04.2024
    Вадзім , гэта сарказм, гы гы

Што вядома пра грамадзяніна Германіі Рыка Крыгера, якому ў Беларусі прысудзілі расстрэл24

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Усе навіны →
Усе навіны

Чарга легкавых аўто на ўезд у Польшчу з Беларусі павялічылася ў чатыры разы5

Юрый Чыж пайшоў у расійскі суд, каб пазмагацца за свой малаказавод у Геленджыку

Як трансгендар абваліў продажы самага папулярнага амерыканскага піва15

Ілан Маск жорстка высмеяў Microsoft за глабальны IT-збой5

Святлана Ціханоўская сустрэлася з Віктарам Орбанам23

Не рабіце гэтую памылку ў захоўванні хлеба5

Назіраецца маштабны збой электронікі па ўсім свеце. Аэрапорты адмяняюць палёты13

Калабаранты з Запарожскай вобласці выдаюць сустрэчу з прамаскоўскім беларускім актывістам Лушчом за афіцыйны візіт1

За два з паловай гады на мяжы Беларусі і ЕС загінулі 126 мігрантаў2

больш чытаных навін
больш лайканых навін

Што вядома пра грамадзяніна Германіі Рыка Крыгера, якому ў Беларусі прысудзілі расстрэл24

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Галоўнае
Усе навіны →