Рускі псеўданародны танец дзяўчатак з Оршы ўзарваў тыкток. Але вы не здагадаецеся, за што іх пачалі хэйціць
Відэа выступу аршанскіх дзяўчатак набрала каля 2 мільёнаў праглядаў у тыктоку і больш за 100 тысяч лайкаў. Але ў каментарах адзначыліся сотні абураных аматараў расійскай культуры. Што ж іх так раззлавала?
Першае відэа, якое завірусілася, набрала ажно 1,3 мільёна праглядаў. Дзяўчаткі з узорнай цыркавой студыі «Арэна» літаральна «выплылі» на сцэну ў строях, стылізаваных пад рускія народныя. Музыка таксама гучала адпаведная. Сакрэт плаўных рухаў аршанак у тым, што пад доўгімі сукенкамі былі схаваныя гіраскутары.
Менавіта сучасныя тэхналогіі і выклікалі шмат абурэння ў рускамоўных каментатараў: «Сапраўдны ансамбль і без гіраскутараў плыве», «Раней «Бярозка» танчыла на сваіх нагах. Не расчароўвайце!», «Прыгожа, але раней і без гіраскутараў так танчылі», «Ножкамі ўжо не танчым!», «Памятаю, як на дыбачках раней танчылі… Былі часы».
Здаецца, чалавек, які вядзе тыкток-акаўнт «Арэна», стаміўся тлумачыць кожнаму эксперту, што іх калектыў цыркавы, а не харэаграфічны. У наступным відэа бачна, што дзяўчаткі пазбаўляюцца доўгіх сукенак і пачынаюць выконваць на гіраскутарах розныя складаныя акрабатычныя элементы.
Пасля гэтага ўсё ж з'явілася шмат пазітыўных каментарыяў, калі людзі захапляліся спрытам юных артыстак. Але ўсё адно знаходзіліся і тыя, хто незадаволена пытаў: «А танец дзе?».
Маладую супрацоўніцу «Пеленга» арыштавалі за «заклікі да нанясення шкоды Беларусі». Ёй пагражае да 12 гадоў3
Каментары
🚯 Слова «хейтить» (альбо «х..йтить») спрэс не беларускае, варожае. Але што казаць тым, хто так любіць слоўцы кшталту «вірусіцца» (нібы каронавырас іхні), ці рваць інтэрнэт (як Тузік грэлку), альбо — а каб вас! — узрываць яго (мусіць, падобна станцыям мэтра?).
🗣️ І ніяк ня стомяцца выгукваць да «крыпаты» ў горле гэткі вось нацягнуты з Расеі слоўны хлузд. Ну, ці ня «шуцеры»?! Хоць якая розьніца, «нарубіць» бабла б, а хамячкі й такое «сха́вают». Хамячкі, давайма лай. Лай-«лайк»!