Грамадства1515

Хітрыя чыноўнікі хацелі знайсці сінекуру ў прэзідыуме УНС. Але ўсё пайшло не так

Пасля завяршэння рэкрутынгавай кампаніі ў Палату прадстаўнікоў і Савет Рэспублікі, якая каштавала дзясяткам правінцыйных чыноўнікаў пасад праз паглыбленыя праверкі КДБ, распачаўся набор дэлегатаў Усебеларускага народнага сходу — там усё тое ж самае, толькі яшчэ больш забаўна.

Прэзідыум УНС

За трыццаць гадоў кіравання Лукашэнкі на дзяржаўных пасадах аказваліся розныя людзі. Не абавязкова ваяўнічыя ябацькі — праскоквалі і асобы, здольныя на ўласнае меркаванне. 

2020 год, супрацьпастаўленне дзяржавы грамадству і наступныя падзеі змянілі і пастрожылі логіку адбору ў вертыкаль.

Цяпер безумоўная лаяльнасць пры прызначэнні на палітычныя і кіруючыя пасады стала абавязковай. Яе мераюць па фармальных прыкметах: адсутнасць палітычна кампраметуючай інфармацыі на самога чыноўніка і на членаў ягонай сям'і.

Пад кампраматам маецца на ўвазе ўдзел у пратэстах, дэманстрацыя пазіцыі ў сацыяльных сетках, грашовыя пераводы і іншыя праявы салідарнасці, адназначная пазіцыя адносна генацыду ўкраінцаў.

На гэтым чынавенства і пагарае.

Чытайце таксама: Докшыцкага чыноўніка цягнулі ў дэпутаты, а калі выявілася, што сын у базе «Беспарадкі» — выгналі з работы 

Як інфармуюць «Нашу Ніву» суразмоўцы з сістэмы, чыіх пасадаў мы выдаваць не можам, бо яны непасрэдна задзейнічаныя ў апісаных падзеях, з рэкрутынгам ва Усебеларускі народны сход (УНС) таксама здарылася трагікамедыя. Шэраг чыноўнікаў ужо разумее, што не толькі не атрымае прамоцыі, але і мае вялікі шанец вылецець з сістэмы.

Калі пайшоў «набор» у дэпутаты і сенатары, некаторыя адмаўляліся, разлічваючы, што выгадней будзе пайсці ва УНС — ці шэраговым удзельнікам, ці нават прабіцца ў прэзідыум УНС.

Прэзідыум УНС — гэта не больш за 15 уплывовых чалавек. Збіраць яго будуць радзей, адказнасці не столькі, работы яшчэ менш, але бонусы ў выглядзе статусу і кола кантактаў тыя ж самыя.

Прэзідыум УНС, фота БелТА

«Разумныя патэнцыйныя прэтэндэнты, хто адназначна ведаў пра існаванне палітычнага «кампрамату» ў сваіх сем'ях, вырашылі проста не прыцягваць да сябе і да блізкіх увагі органаў, адмовіўшыся ад паходу ва УНС. І ціха працягваюць работу на ранейшых пасадах, — кажуць нашы інфармаваныя суразмоўцы, 

 — а некаторыя палічылі, што змогуць праскочыць пільную праверку. Або ўвогуле і самі не ведалі аб удзеле блізкіх у пратэстах — бо цяпер у «блізкія» запісваюць і ўнукаў, і зяця, і нявестку. І нават сваякоў нявестак, калі на іх заведзеныя крымінальныя справы».

У выніку атрымалася так, як і са знятымі з гонкі кандыдатамі ў дэпутаты — некаторыя патэнцыйныя дэлегаты дакладна не трапяць на сход. Вядома і пра мінімум аднаго топ-чыноўніка, які прэтэндаваў на месца ў прэзідыуме УНС, але цяпер знаходзіцца пад падазрэннем.

«Прынамсі пару маіх знаёмых ужо праінфармавалі, што ў іх сур'ёзная сітуацыя, ні пра якое вылучэнне ва УНС гаворкі ісці не можа. А іх уласны лёс будзе вызначацца начальствам у кааперацыі са службамі дзяржбяспекі. І не факт, што ўдасца працягнуць працу», — расказвае крыніца.

Каментары15

  • Тошниловка
    29.03.2024
    Все они отвратительны!
  • Правільная расшіфроўка
    29.03.2024
    Всебеларуское Начосное Собраніе во главе с Зачосам
  • дармаед
    29.03.2024
    колькі ж іх гэтых сінегаловых на маю бедную сівую галаву

Дар‘я Лосік выйшла на свабоду па памілаванні4

Дар‘я Лосік выйшла на свабоду па памілаванні

Усе навіны →
Усе навіны

Сталі вядомыя падрабязнасці сустрэчы Дуды і Сі Цзіньпіна наконт рэжыму Лукашэнкі

На таргах у Мінску даляр з салідным запасам рухнуў да гадавога мініміму1

«Падрыхтоўка да Алімпіяды прайшла не так, як планавала». Ціманоўская расказала, з якім настроем едзе ў Парыж4

Старшыня Генштаба Вялікабрытаніі заявіў, што ёсць толькі тры гады, каб падрыхтавацца да вайны з альянсам дыктатур7

Машыну намесніка начальніка вайсковай часці ўзарвалі ў Маскве. Вайскоўцу адарвала ступні2

У Трампа быў эфектыўны козыр супраць Байдэна. Цяпер ён можа вярнуцца бумерангам 3

«Сімпсаны» яшчэ ў 2000 годзе прадказалі, што Камала Харыс стане прэзідэнтам?2

«Радуйцеся, с*кі!» Чым скончыўся скандал паміж гінекалагіняй-блогеркай і пацыенткай прыватнага медцэнтра?17

99-гадовы беларус вырашыў атрымаць пасведчанне аб нараджэнні

больш чытаных навін
больш лайканых навін

Дар‘я Лосік выйшла на свабоду па памілаванні4

Дар‘я Лосік выйшла на свабоду па памілаванні

Галоўнае
Усе навіны →