У серыі пенальці грузіны ў Тбілісі выйгралі ў Грэцыі — 4:2.
У групавым турніры да чэмпіянату Еўропы грузіны ў сваёй групе фінішавалі наогул чацвёртымі, следам за Іспаніяй, Шатландыяй і Нарвегіяй. Грэкі — чэмпіёны Еўропы ў 2004 годзе — трэцімі следам за Францыяй і Нідэрландамі.
Але дзякуючы турніру Ліга Нацый і тыя, і другія атрымалі шанец адабрацца на кантынентальнае першынство праз стыкавыя матчы. Так званы шлях С.
У паўфінальным матчы Грузія ў чацвер выйграла ў Люксембурга — 2:0. А Грэцыя ў Афінах разграміла Казахстан — 5:0.
А сёння Грузія і Грэцыя гулялі міні-фінал у Тбілісі.
Асноўны і дадатковы час скончыліся 0:0, а ў серыі пенальці Грузія без зоркі італьянскага чэмпіянату Хвічы Кварацхеліі, якога замянілі на 110-й хвіліне, выйграла 4:2.
Упершыню ў гісторыі Грузія (галоўны трэнер — экс-зорка «Баварыі», француз Вілі Саньёль) прабілася на топ-турнір. Яна будзе гуляць у адной групе з Партугаліяй, Турцыяй і Чэхіяй.
Беларусь у гэты час гуляла таварыскі матч з Мальтай, які скончыўся з лікам 0:0. Узровень.
Праз шлях А на чэмпіянат Еўропы прабіваюцца Уэльс і Польшча,
а праз шлях B — Украіна і Ісландыя.
Гэтыя матчы пачаліся ў 22:45.
«Мяне проста дадалі ў групу ў месенджары і скінулі квіткі» — беларускі футбаліст пра тое, як даведаўся пра выклік у зборную
Чаму зборная Японіі па футболе пачынае ўсе матчы ў дзіўны час? Гульня з КНДР стартавала ў 19:23
Украіна за 5 хвілін да катастрофы перавярнула матч з Босніяй, а Казахстан разгромлены
Каментары