Грамадства77

«Пры мне шукалі аб'явы на Авіта». Беларускі перагоншчык машын з ЕС у Расію расказаў, як палякі знайшлі ўправу на яго

Польскія мытнікі знайшлі арыгінальны спосаб адлову беларускіх перагоншчыкаў, якія возяць машыны ў Расію пад выглядам транзіту ў Сярэднюю Азію. Пра крыўдную неспадзяванку расказаў чытач, які на гэтым зарабляе.

Ілюстрацыйнае фота

Пасля сыходу з Расіі заходніх аўтамабільных брэндаў, а таксама ўвядзення санкцый на пастаўкі люксавых аўто, дэфіцыт машын там у многім спрабуюць запоўніць камерцыйна-актыўныя беларусы. Робіцца гэта рознымі схемамі, у тым ліку, праз фіктыўныя пастаўкі ў Сярэднюю Азію.

Так, па дакументах машына быццам бы едзе ў Кыргызстан ці Таджыкістан, выязджае з Польшчы, але дзе яна там асядае? Ідзі шукай. 

Адзін з нашых чытачоў, які спрабуе зарабляць такімі перавозкамі і прадаў некалькі машын у Расіі, расказаў, як пракалоўся настолькі, што палякі ў прынцыпе закрылі ягонай кампаніі магчымасць працаваць.

Апісаная гісторыя адбылася на мінулым тыдні.

Беларус вазіў машыны, паказваючы на паперы канцавы пункт прызначэння ў адной з краін Сярэдняй Азіі. 

На гэты раз ён, як звычайна, вёз некалькі машын. Але польскія мытнікі праверылі назву яго юрыдычнай асобы і ўбачылі, што раней кампанія ўжо вазіла машыны транзітам у адну з сярэднеазіяцкіх краін.

Што зрабіў мытнік?

«Ён проста пры мне стаў шукаць раней вывезеныя машыны на Авіта (гэта адзін з самых папулярных расійскіх рэсурсаў па перапродажы аўто — «НН»). Спачатку шукаў супадзенні па марцы, мадэлі, колеры і годзе вырабу. Калі знайшоў такія супадзенні, то праверыў супадзенне VIN-нумароў (унікальны нумар кожнай машыны)», — расказвае наш суразмоўца.

У выніку адну з машын, якую наш чытач раней вывозіў з Польшчы пад выглядам транзіту, знайшлі на расійскай пляцоўцы.

На чым увесь працэс афармлення дакументаў быў спынены. Мытнік заявіў беларусу, што ўсе машыны, якія вязе гэтая кампанія, тэрыторыю Польшчы не пакінуць.

Таму ён можа або выгружаць іх і ехаць пустым прычэпам у Беларусь, або разварочвацца. 

@nashaniva Польскія мытнікі знайшлі арыгінальны спосаб адлову перагоншчыкаў, якія возяць машыны ў Расію пад выглядам транзіту ў Сярэднюю Азію #беларусь #нашаніва #навіныбеларусі #беларусьновости #новостибеларуси #авто #белорусы #беларускаямова #перекуп #мова ♬ Paris - 3Hzwave

Чытайце таксама:

«На мяжы калапс». Польшча ўвяла абмежаванні па ўвозе аўтамабіляў праз беларускі пагранпераход

Польшча перастала прапускаць у Беларусь легкавыя аўтамабілі на транзітных нумарах

У Беларусі новыя стаўкі ўтылізацыйнага збору на аўто. Некаторыя машыны моцна падаражэюць, а іншыя наадварот стануць таннейшыя

Каментары7

  • Ян
    25.03.2024
    Вось каб усе мытнікі былі такія. Трэба было яшчэ і штраф уляпіць гэтай канторе за парушэнне санкцыйных законаў. Таксама варта яшчэ адсочваць і тавары з іншых сфераў, які папалі пад санкцыі, каб такіх хатаскрайнікаў, што дапамагаюць рашыстам абыходзіць санкцыі, паставіць на месца.
  • шосик
    25.03.2024
    всех свиней-барыг к ногтю и закрыть вьезд в ЕС
  • не такі як ёсць
    25.03.2024
    Выдатна. Так бы і з астатнімі, хто лічыць, што гора народа - не яго бяда.

Хто такая Камала Харыс — кандыдатка ў прэзідэнты ЗША ад дэмакратаў замест Байдэна2

Хто такая Камала Харыс — кандыдатка ў прэзідэнты ЗША ад дэмакратаў замест Байдэна

Усе навіны →
Усе навіны

Былы палітвязень спаліў свой беларускі пашпарт ВІДЭА22

Прарасійская актывістка абурылася, што не можа апублікаваць фота з бел-чырвона-белым сцягам5

На Растоўскай АЭС адбыўся выбух і Расію накрыла хваля радыяцыі? Паспрабавалі разабрацца1

Іван Краўцоў трэці раз запар стаў сакратаром Каардынацыйнай рады40

Следам за краснадарцамі выйшлі патрабаваць электрычнасці і жыхары Анапы1

«25 літраў за 2 гадзіны». Грыбныя трафеі з лясоў сталі больш разнастайнымі3

«Мінскія Патрыкі? Не, Бікіні Ботам». Найлепшыя твіты тыдня4

З'явілася ФОТА з суда над Рыка Крыгерам

Замест СМС — выццё сірэн. МНС хоча памяняць сістэму апавяшчэння падчас непагадзі2

больш чытаных навін
больш лайканых навін

Хто такая Камала Харыс — кандыдатка ў прэзідэнты ЗША ад дэмакратаў замест Байдэна2

Хто такая Камала Харыс — кандыдатка ў прэзідэнты ЗША ад дэмакратаў замест Байдэна

Галоўнае
Усе навіны →