Грамадства11

Беларускі хакеіст пра Кальцова: Ён прымусіў мяне паверыць у сябе

Выхаванец жлобінскага «Металурга» Аляксандр Сувораў падзяліўся ўспамінамі пра хакеіста і трэнера Канстанціна Кальцова, які пайшоў з жыцця ў 42 гады.

Канстанцін Кальцоў. Фота: hcdinamo.by

«Вельмі цяжкая навіна. Гэта вялікая страта для беларускага хакея. Канстанцін Яўгенавіч быў выдатным хакеістам і спецыялістам, які ўсім усё даўным-даўно даказаў. Выдатны чалавек з добрай душой.

Мне пашчасціла з ім папрацаваць у «Дынама-Маладзечна». І зараз, азіраючыся назад, я магу сказаць, што для мяне асабіста гэта быў найлепшы сезон.

Выдатная каманда, класны трэнерскі штаб. І ўсё гэта было дзякуючы Кальцову, які трымаў атмасферу ў калектыве. Думаю, хлопцы з той каманды пагодзяцца са мной.

Канстанцін Яўгенавіч любіў сваю працу. Замест таго, каб паехаць дадому пасля ранішняй трэніроўкі,

ён часцяком заставаўся ў палацы і ішоў вечарам на лёд з маладымі хлопцамі, дапамагаў індывідуальна. Сапраўдны прафесіянал, які рос у прафесіі сам і дапамагаў расці падапечным.

Пасля сезона ў Маладзечне мы з ім пастаянна былі на кантакце. Кальцоў паверыў у мяне і прымусіў мяне паверыць у самога сябе. Бязмерна ўдзячны яму за гэта, таму што дзякуючы яму я зрабіў вялікі крок у сваёй хакейнай кар'еры. Канстанцін Яўгенавіч ставіўся да мяне як да сына, па-бацькоўску.

Калі ў мяне была асабістая трагедыя, ён быў адным з першых, хто мне патэлефанаваў і падабраў словы падтрымкі. Шчаслівы, што гэты чалавек быў у маім жыцці. Спачуванні ўсім родным і блізкім», — цытуе Суворава прэс-служба жлобінскага «Металурга».

***

18 сакавіка стала вядома пра смерць Канстанціна Кальцова на 43-м годзе жыцця. Паліцыя Маямі прыярытэтнай версій лічыць самагубства.

Былая жонка Кальцова Юлія Міхайлава не выключыла, што прычынай смерці стаў няшчасны выпадак.

У Кантынентальнай хакейнай лізе Кальцоў, які выступаў на пазіцыі крайняга нападніка, правёў 426 гульняў у складзе «Салавата Юлаева», «Атланта», «Ак Барса» і мінскага «Дынама» і набраў 128 (49+79) балаў. У складзе ўфімскай каманды ён стаў чэмпіёнам Расіі ў 2008 і 2011 годзе. Адпаведна, у 2011-м ён выйграў Кубак Гагарына.

Каментары1

  • Лол
    22.03.2024
    Наша Ніва, вы сур’ёзна ?

Што адбываецца ў Палку Каліноўскага і чаму байцы кажуць пра яго магчымае знікненне?

Што адбываецца ў Палку Каліноўскага і чаму байцы кажуць пра яго магчымае знікненне?

Усе навіны →
Усе навіны

Былая палітзняволеная: Мая сям'я патраціла за два гады $10 тысяч на адвакатаў і перадачы для мяне1

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У возеры Свіцязь забаранілі купацца. У чым прычына?1

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі5

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку7

Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі 

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

больш чытаных навін
больш лайканых навін

Што адбываецца ў Палку Каліноўскага і чаму байцы кажуць пра яго магчымае знікненне?

Што адбываецца ў Палку Каліноўскага і чаму байцы кажуць пра яго магчымае знікненне?

Галоўнае
Усе навіны →