У Вязынцы спілавалі маляўнічыя дрэвы, нахіленыя над вадой ФОТЫ
Вязынка — адно з найпрыгажэйшых і найрамантычнейшых месцаў пад Мінскам. Музей Янкі Купалы, размешчаны ў гэтай вёсачцы, наведвалі і наведваюць не толькі школьнікі, але і дарослыя. Асаблівы шарм лакацыі надавалі старыя дрэвы, якія, мудрагеліста выгнуўшыся, звісалі над ракой. Аднак днямі стала вядома, што гэтыя самыя дрэвы спілавалі, піша «Анлайнер».
«Няма слоў, адны гукі. Ды пні», — каментуе ўбачанае фатограф Валерый Вядрэнка, які падзяліўся ў фэйсбуку здымкамі пнёў.
Тэрыторыя выглядае цяпер і сапраўды асірацелай. Як раней ужо дакладна не будзе.
«Анлайнер» даведаўся, чаму былі спілаваныя дрэвы, якія ўспрымаліся як неад'емная частка Вязынкі.
«Дрэвы, на жаль, былі ў вельмі дрэнным, аварыйным стане. Гэта засведчыла спецыяльнае абследаванне, ёсць заключэнне. Да бяды было рукой падаць. Але, як той казаў, калі ты ссек адно дрэва, пасадзі замест яго дзесяць. І хутка мы будзем праводзіць такую акцыю — пасадзім дрэвы на радзіме Янкі Купалы. Сачыце за нашай афішай і даведаецеся, калі гэта будзе. Усе ахвотныя змогуць далучыцца», — расказалі ў музеі.
А такой Вязынка была ў 2019 годзе.
Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог13
Каментары