Усяго патроху44

Сотні тысяч бачылі ў тыктоку, як беларус з дапамогай каханай аднаўляецца пасля страшнай аварыі. Вось што з ім цяпер

Пару месяцаў таму ў тыктоку завірусіліся ролікі з Уладам Аўласенкам і яго дзяўчынай Ніяй. Маладзёны паказвалі, як Улад аднаўляўся пасля цяжкай аварыі і комы. Што з хлопцам цяпер?

Фота: скрын з тыкток-акаўнта avlasenko.vn

Аварыя, у якую трапіў Улад, здарылася 1 кастрычніка 2023 года, і падчас яе хлопец, сярод іншых пашкоджанняў, атрымаў цяжкую чэрапна-мазгавую траўму. Медыкі сумняваліся, ці выжыве хлопец, і пужалі: калі і выжыве, то, хутчэй за ўсё, не зможа гаварыць, рухацца і разумець рэчаіснасць.

З першых дзён хлопца падтрымлівала Нія, яго дзяўчына родам з Эміратаў. Нія — паспяховая блогерка, яе ютуб-канал мае 663 тысячы падпісчыкаў. У снежні дзяўчына пачала публікаваць тыктокі пра аднаўленне Улада. Цяпер у акаўнта пары больш за 156 тысяч падпісчыкаў.

З таго часу прайшло амаль тры месяцы. У першых роліках бачна, як Улад нанава вучыўся самастойна апранацца, сядзець, есці і гаварыць. На той час хлопец, заўважна схуднелы пасля комы і доўгага часу ў шпіталі, карыстаўся інвалідным вазком, але ўжо тады было ясна — пра жыццё «гародніны», якое лічылі верагодным яго дактары, гаворкі больш не ідзе.

Цяпер Улад шмат у чым навучыўся клапаціцца пра сябе, у тым ліку ён здольны гатаваць ежу, мыць посуд і пыласосіць. Але галоўнае — хлопец устаў на ногі, і хаця ён заўважна кульгае, але ўсё ж такі ходзіць сам.

@nashaniva Беларусу пасля аварыі дапамагае аднавіцца яго каханая #беларусь #беларусьновости #новостибеларуси #нашаніва #восстановление #каханне #медицина ♬ Маё каханне - Lavon Volski

Акрамя кульгавасці, ёсць і іншыя наступствы хваробы: Улад мае праблемы з памяццю, увагай, маўленнем і кантролем эмоцый, яму цяжка выказваць свае думкі, хлопец хутка стамляецца.

Фота: скрын з тыкток-акаўнта avlasenko.vn

Некалькі дзён таму Улад вярнуўся з чарговай рэабілітацыі ў бальніцы ў Аксакаўшчыне. Родныя зладзілі да яго свята з яго любімымі стравамі і плакатамі: «Улад і Нія, вы малайцы», «Улад! Ты выйграў гэтае жыццё». У адмысловым тыктоку бачна, што хлопец нават здолеў трохі патанцаваць з Ніяй і адной са сваячак.

@avlasenko.vn #чмт #последтп #черепномозговаятравма #владиния #реабилитация #владавласенко #дтп2023 #дтпаварии #беларусь ♬ original sound - A

Гледачы захапляюцца ў каментарах Уладам, Ніяй і сілай іх кахання. Але ж ёсць і хэйтэры — адзін з іх сумняваўся ў шчырасці Ніі, якая не кінула цяжка хворага хлопца: маўляў, або ён багаты, або гэта ўсё робіцца для кантэнту. На такую прэтэнзію Нія адказвае так:

«Калі мы чытаем такія каментары, нам робіцца сапраўды шкада такіх людзей. Ведаць, што яны ніколі не кахалі і не былі каханымі, ведаць, што ніколі б для іх не зрабілі таго ж… Проста сумна, што яны праецыруюць негатыў на іншых, бо для іх настолькі неверагодна, што чалавек можа прайсці праз пекла з-за кахання. 

Фота: скрын з тыкток-акаўнта avlasenko.vn

Калі жанчына клапоціцца пра каханага чалавека падчас хваробы, гэта з-за грошаў, а калі жанчына не клапоціцца, гэта таму што яна дрэнная жанчына. Мы ніколі не здолеем мець рацыю ў гэтым свеце з такімі людзьмі».

«Наша Нiва» — бастыён беларушчыны

ПАДТРЫМАЦЬ

Чытайце таксама:

Беларус трапіў у страшную аварыю. Каханая дапамагае яму аднавіцца — за іх гісторыяй сочаць тысячы

Сацсеткі ахапіў «тэст апельсінавай лупіны», які правярае адносіны з партнёрам на трываласць

Са студэнткі ў Сеуле ў маму ў Мінску. Як дзяўчына адна гадуе дачку ад карэйца

Каментары4

  • гердзень
    06.03.2024
    пашанцавала хлопцу з дзяўчынай. такіх дзяўчат рэдка, дзе знойдзеш
  • Здароўя хлопцу
    06.03.2024
    Як Мікола Карачанцаў.
  • Тая самая дзевачка
    07.03.2024
    гердзень , дзяучат такiх многа, але хлопцау, нажать, не.

Што вядома пра грамадзяніна Германіі Рыка Крыгера, якому ў Беларусі прысудзілі расстрэл22

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Усе навіны →
Усе навіны

Чарга легкавых аўто на ўезд у Польшчу з Беларусі павялічылася ў чатыры разы4

Юрый Чыж пайшоў у расійскі суд, каб пазмагацца за свой малаказавод у Геленджыку

Як трансгендар абваліў продажы самага папулярнага амерыканскага піва14

Ілан Маск жорстка высмеяў Microsoft за глабальны IT-збой5

Святлана Ціханоўская сустрэлася з Віктарам Орбанам23

Не рабіце гэтую памылку ў захоўванні хлеба5

Назіраецца маштабны збой электронікі па ўсім свеце. Аэрапорты адмяняюць палёты13

Калабаранты з Запарожскай вобласці выдаюць сустрэчу з прамаскоўскім беларускім актывістам Лушчом за афіцыйны візіт1

За два з паловай гады на мяжы Беларусі і ЕС загінулі 126 мігрантаў2

больш чытаных навін
больш лайканых навін

Што вядома пра грамадзяніна Германіі Рыка Крыгера, якому ў Беларусі прысудзілі расстрэл22

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Галоўнае
Усе навіны →