Жыхара Наваполацка аштрафавалі за падпіску на «экстрэмісцкі» рэсурс
Суддзя суда Наваполацка Зінаіда Балаболава 16 лютага за падпіску ў сацыяльнай сетцы на «экстрэмісцкі» інфармацыйны рэсурс аштрафавала на 800 рублёў Уладзіміра Ракомсу, даведалася «Віцебская вясна».

На судовым пасяджэнні Уладзімір прызнаўся ў тым, што ён на сваёй персанальнай старонцы ў сацыяльнай сетцы «Аднакласнікі» меў спасылку на тэлеканал «Белсат».
Раней гэты інфармацыйны рэсурс улады ўнеслі ў рэспубліканскі спіс экстрэмісцкіх матэрыялаў. Мужчына прызнаў віну ў здзяйсненні адміністрацыйнага правапарушэння і раскаяўся ў зробленым.
Улічваючы ўсе акалічнасці справы і на падставе ч. 2 арт.19.11 КаАП суддзя Балаболава пакарала Ракомсу штрафам у даход дзяржавы ў памеры 800 рублёў.
Каментары