25 лютага пройдзе «Адзіны дзень галасавання» (выбары дэпутатаў Палаты прадстаўнікоў і мясцовых саветаў. Дэмакратычная супольнасць кажа, што выбару няма. Але як правесці гэты дзень?
Святлана Ціханоўская кажа: «Правядзіце гэты дзень з карысцю для сябе, а не для рэжыму!»
Каманда Офіса Святланы Ціханоўскай падрыхтавала відэа, дзе расказала і паказала, як беларусы могуць правесці гэты дзень з карысцю для сябе — замест удзелу ў падмане.
«25 лютага не будзе ніякага выбару. У бюлетэнях няма ніякага выбару, няма людзей, якія прапануюць рэальныя змены, бо рэжым дапусціў толькі зручных марыянетак», — кажа Ціханоўская. Яна заклікае не ўдзельнічаць у бессэнсоўным фарсе і ігнараваць яго. Але што рабіць у нядзелю?
Дарадца Франак Вячорка прапануе прыгатаваць беларускую нацыянальную страву, з'есці самім або пачаставаць сяброў.
Ганна Красуліна — наведаць музей. Анатоль Лябедзька на спартыўнай пляцоўцы прапануе згадаць пра спорт: «Падцягніцеся 15 разоў або зрабіце шэсць пераваротаў».
«Сустрэньцеся з сябрамі, або з тымі, каго даўно хацелі абняць», — раіць дарадца па моладзевай палітыцы Маргарыта Ворыхава.
«25 лютага застаньцеся дома і а 10-й раніцы па мінскім часе на ютубе глядзіце марафон «Выбіраю новую Беларусь'25» — раіць Аляксандр Дабравольскі.
«Правядзіце гэты дзень з карысцю для сябе, а не рэжыму» — рэзюмуе Святлана Ціханоўская.
Судзяць гендырэктара БелАЗа. Пагражае да 15 гадоў3
Каментары
Добра, калі ў палітыка ёсць надзейны тыл. Пакуль пані прэзідэнтка ў вітальні запісвае сваю прамову, вярхоўны дарадца на кухні бульбу дзярэ, вячэру гатуе! Малайчынка! Усё так цёпла, па-дамашняму! ))