Прэс-служба ўпраўлення Следчага камітэта па Тульскай вобласці паведаміла, што 11 лютага ў Прывакзальнай акрузе Тулы адбылося забойства, ахвярай якога стаў беларус.
Здымак ілюстрацыйны. Фота: Photogenica / Chubakaster
У злачынстве абвінавачваецца 31-гадовая жанчына. Паводле версіі следства, яна пасварылася са сваім 32-гадовым сужыцелем, прычынай чаго стаў бытавы канфлікт.
Жанчына, якая была нецвярозая, нанесла мужчыну адзін удар нажом у сэрца, ён памёр на месцы здарэння. Абвінавачаная знаходзіцца пад вартай.
Як стала вядома мясцовай прэсе, загінулы прыехаў у Тулу з Беларусі, ён працаваў тут будаўніком.
У сацсетках з'явіліся версіі, што прычынай канфлікту сталі спрэчкі пра грошы, аднак у матэрыялах справы такой інфармацыі няма. Абвінавачаная таксама падобнага не казала.
У Лукашэнкі знайшлася пазашлюбная дачка Крысціна? Вось што вядома21
Каментары