Вайна11

Украінцы забілі расійскага палоннага, бо яго жонка не даслала голае фота? Здаецца, зноў фэйк

Некалькі дзён таму ў расійскіх СМІ і Z-блогераў прайшла публікацыя пра бесчалавечнае абыходжанне з расійскім палонным. На скрыншотах былі паказаны фрагменты перапіскі быццам бы ўкраінскіх ваенных з грамадзянскай жонкай 44-гадовага палоннага Аляксея Мотуза. Ад яе патрабавалі даслаць голыя здымкі, іначай бы яе мужа забілі. Яна не стала нічога адпраўляць. Тады жонцы даслалі здымкі рукі з адрэзанымі пальцамі, прастрэленай нагі, а таксама цела ваеннага пасля меркаванага забойства.

Аляксей Мотуз Алексей Мотуз Alexey Motuz
Фрагмент перапіскі невядомых з сужыцелькай Аляксея Мотуза. Фота: тэлеграм-канал ASTRA

Аўтары публікацый і Z-блогеры ў адзін голас асуджалі зверствы ўкраінцаў і дзівіліся гераічным паводзінам расійскага байца. Пры гэтым яны прыводзілі толькі перапіску і здымкі без спасылак на крыніцу інфармацыі.

Расійскае незалежнае выданне ASTRA здолела звязацца з маці Аляксея Мотуза. Жанчына пацвердзіла, што яе сын удзельнічаў ва ўварванні на Украіну ў якасці добраахвотніка. Маці распавяла, што ў ноч на 9 студзеня 2024 года грамадзянскай жонцы Аляксея Мотуза невядомыя напісалі ў тэлеграм з украінскага нумару.

Выданне звяртае ўвагу на тое, што нумар тэлефона не быў схаваны, хаця ў тэлеграм ёсць такая функцыя. У перапісцы жонцы прапаноўвалі адправіць свае інтымныя здымкі. У адваротным выпадку пагражалі, што яе мужа будуць павольна забіваць. З невядомымі камунікавалі як жонка, так і маці.

Па словах маці, Аляксей апошні раз выходзіў з ёй на сувязь 5 студзеня. Тады ён паведаміў: «Мы пайшлі на штурм». Невядомыя напісалі праз тры дні пасля гэтага.

«Мы спрабавалі неяк разруліць сітуацыю, але не атрымалася. Я прасіла іх, каб не здзекаваліся з сына. У апошнім паведамленні яны скінулі яго застрэленага ў галаву, пасля гэтага перасталі выходзіць на сувязь», — цытуе ASTRA словы маці.

Па словах жанчыны, на фота сапраўды яе сын. Але ніякай афіцыйнай інфармацыі яна не мае. З ёй ніхто з камандзіраў не звязваўся. Жанчына спадзяецца, што гэта быў жарт.

У той жа час журналісты змаглі высветліць, што прынамсі адзін з дасланых здымкаў не з'яўляецца датычным гісторыі. Ён быў апублікаваны 21 студзеня 2022 года ва ўкраінскім выданні Depo.ua у нататцы «Закарпацкія дактары прышылі хлопцу адрэзаныя пальцы».

Нататка ў інтэрнэт-выданні DEPO.ua

У навіне было апублікавана фота рукі 16-гадовага ўкраінскага хлопца, які падчас работы з цыркулярнай пілой выпадкова адрэзаў сабе ўсе пяць пальцаў. Здымак украінскага выдання поўнасцю супадае з тым, якое было адпраўлена родным Аляксея.

ASTRA паспрабавала звязацца з кантактам, з якога маці і грамадзянскай жонцы пісалі невядомыя. Ні ў тэлеграме, ні па сотавай сувязі звязацца не ўдалося. Украінскія і расійскія афіцыйныя ведамствы пакуль не каментавалі сітуацыю.

Чытайце яшчэ:

Расійскі інжынер скончыў жыццё самагубствам пасля таго, як ракета забіла ягоную бабулю ў Харкаве? Не, фэйк

МЗС Расіі выдала руку Зяленскага за руку вайскоўца з татуіроўкай «Бога няма»

У твітары завірусілася відэа электроннага бранзалета для дзяцей. Але гэта фэйк

Каментары1

  • Беларусь
    13.02.2024
    НН зачем вы тянете сюда эту чушь с фашистских z помоек..
    Пора уже взрослеть и самим формировать новости и наративы а не копипастить все и вся да еще от врага Беларуси.

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?16

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Усе навіны →
Усе навіны

Яшчэ адна ахвяра непагадзі: у Магілёўскім раёне загінула 5-гадовая дзяўчынка

На беларуска-літоўскай мяжы упершыню за доўгі час з'явілася чарга з аўтобусаў1

Рыжанкоў: Беларусь гатова да дыялогу з Польшчай па сітуацыі на мяжы20

У залатой буцы на Еўра-2024 адразу некалькі ўладальнікаў

Як адрозніваюцца ўмовы працы для ІП у Беларусі і Літве? 1

Анёл Смерці. Гісторыя беларускі, якая паведамляе родным загінулых каліноўцаў пра іх гібель3

Аргенціна выйграла Кубак Амерыкі па футболе — і гэта таксама рэкорд

Як адразу пасля замаху на Трампа сацсеткі запоўнілі тэорыі змовы і пры чым тут Ілан Маск32

У Брэсце закансервуюць руіны 400-гадовага кляштара. Гэта адзінае збудаванне, што засталося ад гістарычнага Берасця4

больш чытаных навін
больш лайканых навін

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?16

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Галоўнае
Усе навіны →